საქართველოში ამერიკის შეერთებული შტატების ელჩის, კელი დეგნანის განცხადებით, "ერთიანი ნაციონალური მოძრაობის” თავმჯდომარის ნიკა მელიას პარლამენტში შესვლა, მნიშვნელოვანია.

კელი დეგნანი იმედოვნებს, რომ მელია პარლამენტში შევა.

"გადაწყვეტილებამდე უნდა მივიდნენ პოლიტიკური ლიდერები. ეს არ არის ამერიკის შეერთებული შტატების გადასაწყვეტი. ამავეს ვიტყვი ნიკა მელიასთან დაკავშირებით, ანუ, ეს არ არის შეერთებული შტატების გადასაწყვეტი. მელია გახლავთ ძალიან დიდი ოპოზიციური პარტიის ხელმძღვანელი, შესაბამისად ძალიან მნიშვნელოვანია, რომ იგი იყოს პარლამენტში და წარმოადგენდეს თავის ამომრჩეველს. მე იმედი მაქვს, შევა პარლამენტში", - განაცხდა კელი დეგნანმა.