ხატია დეკანოიძე - ყველას შეშფოთების საგანი პოლიტიკური მართლმსაჯულება იყო - არ შეიძლება პარტიის ერთი ლიდერი ქვეყნიდან იყოს წასული, ჩამოსვლის საშუალება არ ჰქონდეს და პარტიის თავმჯდომარე იყოს ციხეში

ყველას შეშფოთების უპირველესი საგანი იყო პოლიტიკური მათლმსაჯულება - არ შეიძლება 9 წლის განმავლობაში პარტიის ერთი ლიდერი წასული იყოს ქვეყნიდან და არ ჰქონდეს მას ჩამოსვლის საშუალება და პარტიის თავმჯდომარე იყოს ციხეში, - ამის შესახებ „ნაციონალური მოძრაობის“ წევრმა, ხატია დეკანოიძემ ლიეტუვის საგარეო საქმეთა მინისტრთან ოპოზიციის ლიდერების შეხვედრის შემდეგ განაცხადა.

როგორც დეკანოიძემ აღნიშნა, საქართველოში მართლმსაჯულება იმდენად პოლიტიზირებულია, რომ არავითარ სივრცეს არ ტოვებს დემოკრატია ოდნავ მაინც განვითარდეს.

„ჩვენ ვისაუბრეთ პოლიტიკურ კრიზისზე, რომლის განმუხტვის გზაც ჯერჯერობით, სამწუხაროდ, არ ჩანს. ძალიან მძიმე ვითარებაა ქვეყანაში, არის პოლიტიკური მართლმსაჯულება, ოპოზიციაშიც არის აზრთა სხვადასხვაობა. ჯერჯერობით საქართველოში ვერ მოხერხდა ბოლომდე პოლიტიკური კრიზისის განმუხტვა. სანამ ეს ხელისუფლებაა და სანამ სამართლებრივად პოლიტიკური მექნიზმები იქნება ამოქმედებული პოლიტიკური ოპონენტების მიმართ, ეს კრიზისი ვერ განიმუხტება.

გასაგებია, რომ ყველა საკითხზე ვერ ვთანხმდებით, მაგრამ ყველას შეშფოთების უპირველესი საგანი იყო პოლიტიკური მათლმსაჯულება - არ შეიძლება 9 წლის განმავლობაში პარტიის ერთი ლიდერი წასული იყოს ქვეყნიდან და არ ჰქონდეს მას ქვეყანაში ჩამოსვლის საშუალება და პარტიის თავმჯდომარე იყოს ციხეში. ეს იმას ამბობს პირდაპირ, რომ საქართველოში მართლმსაჯულება იმდენად პოლიტიზირებულია, რომ არავითარ სივრცეს არ ტოვებს ოდნავ მაინც დემოკრატიის განვითარება იყოს.

მე ავუხსენი მინისტრს, რომ ნიკა მელიას დაუყოვნებლივ გათავისუფლება ძალიან მნიშვნელოვანია ზოგადად პოლიტიკური პროცესის ნორმალიზებისთვის, პარტიის ფუნქციონირებისთვის. ჩვენი პარტნიორების მოსაზრებაც არის, რომ დემოკრატიის განვითარების გარდა საქართველოს არ ექნება სხვა გზა, თუ ჩვენ გვინდა ევროატლანტიკურ სტრუქტურებში ღირსეული და სათანადო ადგილი მოვიპოვოთ.

ჩემი და ჩემი პარტიის პირველი ამოცანა არის ნიკა მელიას თავისუფლება. ის სჭირდება პარტიას და პოლიტიკურ პროცესს. პოლიტიკური მართლმსაჯულება ერთხელ და სამუდამოდ უნდა დასრულდეს. მაგრამ ვიდრე ოპოზიციური პოლიტიკური პარტიის ლიდერი არის ციხეში და ადამიანები განდევნილი, ეს არ მოხდება“, - განაცხადა დეკანოიძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება