საბა ბუაძე „ნაციონალურ მოძრაობაზე“ - მინდა, დაფიქრდნენ ტონალობაზე და სტრატეგიაზე, რომლითაც საკუთარ განსხვავებულ აზრს აფიქსირებენ და რომელიც ხშირ შემთხვევაში შეურაცხმყოფელია

„ლელო საქართველოსთვის“ წევრის საბა ბუაძის განცხადებით, „ნაციონალური მოძრაობის“ საუბრის ტონალობა და სტრატეგია, რომლითაც ისინი მოლაპარაკებებთან დაკავშირებით საკუთარ განსხვავებულ აზრს აფიქსირებენ, ხშირ შემთხვევაში, შეურაცხმყოფელია.

როგორც მან ტელეკომპანია „პალიტრანიუსის“ თოქ-შოუში „ 360 გრადუსი“ აღნიშნა, ოპონირება შინაარსობრივი უნდა იყოს და ოპოზიციური სპექტრის იმ ნაწილს, რომლებმაც შეთანხმების დოკუმენტს ხელი მოაწერეს, „მოღალატეებს“ არ უნდა უწოდებდნენ.

„რაც შეეხება „ნაციონალურ მოძრაობას“, „ნაციონალურ მოძრაობაში“ გვესმის იგივე მიხეილ სააკაშვილის მოწოდება, რომ ოპოზიცია მელიას გათავისუფლების შემდეგ, პარლამენტში უნდა შევიდეს. დარწმუნებული ვარ, პარტია სწორ გადაწყვეტილებას მიიღებს, მიბაძავენ ჩვენს მაგალითს და ამ შეთანხმებას მხარს დაუჭერენ. იქამდე, სანამ ეს მოხდება, მინდა ისინი კიდევ ერთხელ კარგად დაფიქრდნენ იმ ტონალობაზე და სტრატეგიაზე, რომლითაც საკუთარ განსხვავებულ აზრს აფიქსირებენ, რომელიც ხშირ შემთხვევაში არის შეურაცხმყოფელი. შინაარსობრივ ნაწილს რომ დავუბრუნდეთ, კიდევ ერთხელ ვეკითხები დანარჩენ ადამიანებს, როგორია თქვენი ბრძოლის სტრატეგია, გვითხარით. ჩვენ ავიღეთ პასუხისმგებლობა, ჩვენი ხედვა და სტრატეგია არის ასეთი. ახლა ძალიან მაინტერესებს, როგორია იმ ადამიანების ხედვა და სტრატეგია, რომელიც არც ერთ შემთხვევაში არ აპირებენ, რომ ამ შეთანხმებას ხელი მოაწერონ. ეს ბრძოლა გრძელდება, ჩვენ უნდა ვნახოთ თანაკვეთის წერტილები ამ ბრძოლაში. იქამდე, სანამ ამ თანაკვეთის წერტილებს ვნახავთ, მოდით, დისკუსია, ოპონირება შინაარსობრივი იყოს და არა უსაგნო, თითქოს მოღალატეებად და მამულიშვილებად ბანაკების დაყოფა, ეს პოლიტიკური კულტურა წარსულს ხომ უნდა ჩაბარდეს?!“,-განაცხადა ბუაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება