თუ კიდევ ერთხელ უნდათ, საგამოძიებო კომისიის ფარგლებში, ნიკანორ მელიას გასამართლება, ეს მისაღებია და შეიძლება მხარიც დავუჭიროთ, - ამის შესახებ პარლამენტის იურიდიულ საკითხთა კომისიის თავმჯდომარე ანრი ოხანაშვილმა განცხადა, რითაც "ლელოს" ინიციატივას გამოეხმაურა.
მისი თქმით, თუკი ვინმე პოლიტიკურადაც და სამართლებრივადაც იქნება პასუხისმგებელი 20 ივნისის მოვლენებზე, ეს პირველი ნიკანორ მელია იქნება.
"მე არანაირი პრობლემა არ მაქვს იმასთან მიმართებაში, რომ ყველაფერი გაირკვეს, გაეცეს პასუხი. იცით, რომ გამოძიებებიც მიმდინარეობს. მთელი რიგი საქმეები არ არის დასრულებული. შესაბამისად, მე არანაირი წინააღმდეგობა არ მაქვს, რომ ამ საკითხთან დაკავშირებით კითხვის ნიშნებიც დაისვას და დაისვას წერტილი. პირველი, თუკი ვინმე პოლიტიკურადაც და სამართლებრივადაც იქნება პასუხისმგებელი 20 ივნისის მოვლენებზე, ეს ნიკანორ მელია იქნება. თუ ამის დემონსტრირება უნდათ, თუ ნიკანორ მელიას კიდევ ერთხელ , საგამოძიებო კომისიის ფარგლებში, გასამართლება უნდათ, ეს მისაღებია და შესაბამისად, შეიძლება მხარიც დავუჭიროთ",-აღნიშნა ოხანაშვილმა.
ცნობისთვის, "ლელოს" თავმჯდომარე მამუკა ხაზარაძე ინიციატივით გამოდის, რომ 20 ივნისის მოვლენებთან დაკავშირებით, საპარლამენტო კომისია შეიქმნას.