გია გაჩეჩილაძე - არ მომხდარა ჯგუფური თავდასხმა და არ მჯერა ვახო სანაიასი, მე მჯერა ჩემი შინაგანი სიმართლის

არ მომხდარა იქ ჯგუფური თავდასხმა და არ მჯერა ვახო სანაიასი. მე მჯერა ჩემი შინაგანი სიმართლის - განცდა მაქვს, რომ ბრალდებულები უსამართლოდ არიან ციხეში, ისინი უნდა გათავისუფლდნენ, - ამის შესახებ მომღერალმა გია გაჩეჩილაძემ (უცნობი) თბილისის საქალაქო სასამართლოსთან განაცხადა, სადაც ჟურნალისტ ვახო სანაიას თავდასხმაში ბრალდებულების სასამართლო პროცესი მიმდინარეობს.

გაჩეჩილაძის თქმით, ის მოითხოვს, რომ ვიდრე ბრალის დამტკიცება არ მოხდება, ბრალდებულები გათავისუფლდნენ.

„ბრალდება შეიძლება იყოს ნებისმიერი, მაგრამ ვიდრე განაჩენი არ იქნება, ესენი არ არიან მოძალადეები. მე დარწმუნებული კი არ ვარ, მე ველოდები გამოძიებას და გამოძიებამდე არ შეიძლება ადამიანებზე ძახილი იმის, რომ შენ ხარ მოძალადე და შენ ხარ დამნაშავე. რადგან ტელევიზიები ამას აკეთებენ, ეს არის ძალიან ცუდი ჩვენ ქვეყანაში.

მე ველოდები გამოძიებას. მე არ ვიცი რა მოხდა. არ მომხდარა იქ ჯგუფური თავდასხმა და არ მჯერა ვახო სანაიასი. მე მჯერა ჩემი შინაგანი სიმართლის.

მე მაქვს განცდა, რომ ისინი უსამართლოდ არიან ციხეში. რა მოხდა იმ დღეს მე ამის გარკვევა მინდა. სანაიასგან ხომ მოვისმინე? ახლა მინდა ამ ბიჭებისგანაც მოვისმინო. რატომ უნდა ვუსმინო მხოლოდ სანაის. სანამ ორივე მხარეს არ მოვუსმენ დასკვნას ჩემით ვერ გამოვიტან.

ეს ბიჭები უნდა გათავისუფლდნენ და თავიანთ ოჯახებში დაელოდონ გამოძიებას. აღდგომა მოდის და ცოტა შემწყნარებლები უნდა ვიყოთ ადამიანების მიმართ“ ,- განაცხადა გაჩეჩილაძემ.

ცნობისთვის, თბილისის საქალაქო სასამართლო ჟურნალისტ ვახო სანაიას თავდასხმის საქმეზე ბრალდებული სამი პირის - სულიკო საყევარაშვილის, გიორგი სახელაშვილის და ვაჟა გიგაურისთვის შეფარდებულ აღკვეთ ღონისძიებას - პატიმრობას გადასინჯავს.

სამართალდამცავებმა სამივე პირი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.

იხილეთ ვიდეო:გია გაჩეჩილაძე - არ მომხდარა ჯგუფური თავდასხმა და არ მჯერა ვახო სანაიასი, მე მჯერა ჩემი შინაგანი სიმართლის

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა