ნიკა მელიას საქმის პროკურორი - თუ დაცვის მხარე შეასრულებს გირაოს პირობებს, ბრალდების მხარე თავად იშუამდგომლებს სასამართლოს წინაშე, რომ ნიკა მელიას მიმართ გამოყენებული პატიმრობა შეიცვალოს გირაოთი

დღევანდელ სხდომაზე დაცვის მხარე გამოცხადდა მოუმზადებელი და და დააყენა შუამდგომლობა სასამართლო სხდომის გადადების თაობაზე, რაც დასაბუთებული იყო მხოლოდ პოლიტიკური არგუმენტებით, - ამის შესახებ ,,ნაციონალური მოძრაობის” თავმჯდომარის ნიკა მელიას საქმის პროკურორმა ამირან გულუაშვილმა სასამართლო პროცესის დასრულების შემდეგ განაცხადა.

მისივე თქმით, კვლავ ძალაშია პროკურატურის შეთავაზება აღკვეთი ღონისძიების სახით პატიმრობის გირაოთი ჩანაცვლებით, იმ შემთხვევაში თუკი დაცვის მხარე გირაოს პირობებს შეასრულებს.

„დღევანდელ სასამართლო სხდომაზე უნდა მომხდარიყო დაცვის მხარის მიერ შესავალი სიტყვის წარდგენა. მიუხედავად ამისა, დღევანდელ სხდომაზე დაცვის მხარე გამოცხადდა მოუმზადებელი და დააყენა შუამდგომლობა სასამართლო სხდომის გადადების თაობაზე, რაც დასაბუთებული იყო მხოლოდ პოლიტიკური არგუმენტებით. არცერთი სამართლებრივი არგუმენტი მათ არ წარმოუდგენიათ, რაც გვაფიქრებინებს, რომ მათი მხრიდან ადგილი აქვს პროცესის გაჭიანურების მცდელობას. რაც შეეხება ჩვენს შეთავაზებას აღკვეთის ღონისძიების შეცვლასთან დაკავშირებით, საქართველოს პროკურატურის შეთავაზება არის ძალაში და დაცვის მხარეს აქვს შესაძლებლობა ნებისმიერ დროს ისარგებლოს ამ შეთავაზებით.

თუ დაცვის მხარე შეასრულებს გირაოს პირობებს ბრალდების მხარე არათუ დაეთანხმება ნიკანორ მელიას მიმართ გამოყენებული პატიმრობის გირაოთი შეცვლას, არამედ თავად იშუამდგომლებს სასამართლოს წინაშე, რომ ნიკა მელიას მიმართ გამოყენებული პატიმრობა შეიცვალოს გირაოთი. მიუხედავად ამ შეთავაზებისა, არც დაცვის მხარეს და არც სხვა პირს ბრალდებულის სახელით არ მოუმართავს საქართველოს პროკურატურისათვის გირაოს გამოყენებასთან დაკავშირებით”, - განაცხადა ამირან გულუაშვილმა.

შეგახსენებთ, ერთიანი ნაციონალური მოძრაობის“ თავმჯდომარის, ნიკა მელიას სასამართლო პროცესი გადაიდო. სხდომა 13 მაისს, 12:00 საათზე გაიმართება. პროცესის გადადების შუამდგომლობა დაცვის მხარემ დააყენა. როგორც მელიას ადვოკატმა გიორგი კონდახიშვილმა განაცხადა, აღნიშნული საქმე პოლიტიკურად მოტივირებულია, ამასთან, ინიცირებულია ამნისტიის შესახებ კანონპროექტი, შესაბამისად, შესავალ სიტყვაში სამართლებრივ დეტალებზე საუბარი მიზანშეწონილად არ მიაჩნიათ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება