გარემოს ეროვნული სააგენტოს სპეციალისტების მიერ განხორციელებული ქაფშიას მარაგების კვლევა ხმელთაშუა ზღვის თევზჭერის გენერალურმა კომისიამ აღიარა

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს სპეციალისტებმა, საქართველოს შავი ზღვის სანაპიროს ტერიტორიულ წყლებში ქაფშიას მარაგების ჰიდროაკუსტიკური კვლევა ჩაატარეს. ამის შესახებ ინფორმაციას გარემოს ეროვნული სააგენტო ავრცელებს.

ინფორმაციის თანახმად, კვლევა თანამედროვე მეთოდოლოგიისა და აღჭურვილობის გამოყენებით მოხდა. რითაც, გარემოს ეროვნულ სააგენტოს სპეციალისტებს საშუალება მიეცათ, მარაგი ევროკავშირის სტანდარტების და ხმელთაშუა ზღვის კომისიის მოთხოვნების შესაბამისად განესაზღვრათ.

„კვლევისას სააგენტოს სპეციალისტების მიერ, ამერიკული წარმოების სპეციალიზირებული სამეცნიერო-კვლევითი ექოსაუნდერით ქაფშიის შეჯგუფებების ფიქსირება და ზუსტი რაოდენობის აღრიცხვა განხორციელდა. ამავდროულად, წარმოებული იქნა ზღვის ჰიდროლოგიური მაჩვენებლების შესწავლა. აღებული იქნა თევზის სინჯები და შეფასდა ქაფშიას პოპულაციის ასაკობრივი და ზომა-წონითი მაჩვენებლები. ასევე, განისაზღვრა ძირითადი სარეწაო ობიექტის მარაგის რაოდენობა.

გარემოს ეროვნული სააგენტოს სპეციალისტების მიერ განხორციელებული კვლევა, პირველად იქნა აღიარებული გაეროს სურსათისა და სოფლის მეურნეობის ორგანიზაციის (FAO) ხმელთაშუა ზღვის თევზჭერის გენერალური კომისიის (GFCM) მიერ. კვლევის საფუძველზე, შესაძლებელია შავი ზღვის ძირითადი სარეწაო ობიექტის - ქაფშიას მარაგების სრულყოფილი შეფასება და მდგრადი გამოყენების უზრუნველყოფა. რაც ხელს შეუწყობს ქვეყანაში თევზჭერის დარგის განვითარებას, ეკონომიკის ზრდას და ადგილობრივი მოსახლეობის დასაქმებას”,- ნათქვამია ინფორმაციში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა