დავით უთმელიძე - დედაქალაქის ბიუჯეტი თბილისის მუნიციპალიტეტის ისტორიაში ყველაზე მაღალ ნიშნულზეა

თბილისის საკრებულოს ქონების მართვის და საფინანსო-საბიუჯეტო კომისიის თავმჯდომარე დავით უთმელიძე დედაქალაქის ბიუჯეტის გაზრდას მიესალმება. ამის შესახებ „ინტერპრესნიუსს“ თბილისის საკრებულოდან აცნობეს. როგორც მან საკრებულოს სხდომაზე განაცხადა, 2021 წლის ბიუჯეტი თბილისის მუნიციპალიტეტის არსებობის ისტორიაში ყველაზე მაღალ ნიშნულზეა. მისივე თქმით, ეს ფინანსები პრიორიტეტულ მიმართულებებზე გადანაწილდება.

„თბილისის ბიუჯეტი მუნიციპალიტეტის ისტორიის მანძილზე რეკორდულ ნიშნულზეა ასული. ბიუჯეტი პრიორიტეტების მიხედვით არის განსაზღვრული, ყველაფერი გაკეთდა, რომ მაქსიმალურად მიზნობრივად მოხდეს თანხების ათვისება.

წარმატება მინდა ვუსურვო თბილისის მერიას ბიუჯეტის შესრულების მიმართულებით,“- განაცხადა დავით უთმელიძემ.

თბილისის 2021 წლის ბიუჯეტი 78 მილიონი ლარით გაიზარდა და მილიარდ 191 მილიონ 310 ათასი ლარით განისაზღვრა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს