თბილისის საკრებულოს გლდანის რაიონის მაჟორიტარმა დეპუტატმა, გულია გოცირიძემ სამაჟორიტარო ოლქში მცხოვრებ, სოციალურად დაუცველ და მრავალშვილიან ოჯახებს დამდეგი დღესასწაული მიულოცა და სააღდგომო ნობათი გადასცა. ამის შესახებ ინფორმაციას თბილისის საკრებულო ავრცელებს.
ინფორმაციის თანახმად, საკრებულოს წევრმა მოსახლეობის საჭიროებები მოისმინა და კომპეტენციის ფარგლებში დახმარებაც აღუთქვა.
„დღეს ბრწყინვალე აღდგომის მოახლოებული დღესასწაული გლდანის რაიონში მცხოვრებ ოჯახებს მივულოცეთ. მიხარია, რომ ყოველწლიური ტრადიცია არც წელს დარღვეულა და კვლავ არაერთ ოჯახს ვესტუმრეთ. თბილისის საკრებულო სოციალურად დაუცველი და მრავალშვილიანი ოჯახების მხარდაჭერას აგრძელებს”,- განაცხადა გულია გოცირიძემ.