აფხაზეთის დევნილთა მინისტრმა ზუგდიდში, ტრენინგში მონაწილე აფხაზეთის საჯარო სკოლის მოსწავლეებს საჩუქრად „ბიბლუსის“ წიგნები და სერტიფიკატები გადასცა
აფხაზეთის დევნილთა მინისტრმა ლევან თევზაიამ ზუგდიდში, ტრენინგში „ალგორითმული აზროვნება და პროგრამირება“ მონაწილე აფხაზეთის საჯარო სკოლის მოსწავლეებს საჩუქრად „ბიბლუსის“ წიგნები და სერტიფიკატები გადასცა. ამის შესახებ ინფორმაციას აფხაზეთის დევნილთა სამინისტრო ავრცელებს.
მათივე ცნობით, დღეს, ლევან თევზაია ზუგდიდში მდებარე აფხაზეთის პირველ საჯარო სკოლას სტუმრობდა. მინისტრმა მოსწავლეებს აღნიშნულ პროგრამაში აქტიური ჩართულობისთვის მადლობა გადაუხადა და წარმატებები უსურვა.
შეხვედრას აფხაზეთის ჯანმრთელობისა და სოციალური დაცვის მინისტრი ქეთევან ბაკარაძე ესწრებოდა.
აფხაზეთის დევნილთა სამინისტრომ, „პითაგორას აკადემიას“ მხარდაჭერით დევნილი მოსწავლეებისთვის -„ალგორითმულ აზროვნებასა და პროგრამირებაზე“ უფასო ტრენინგი რამდენიმე კვირის წინ დაასრულა.
აფხაზეთის დევნილთა სამინისტროს ცნობით, კურსი მოიცავდა 12 აკადემიურ საათს, რომლის ფარგლებში მოზარდებმა ალგორთმული აზროვნების ფუნდამენტური საკითხები, ლოგიკური აზროვნების განვითარება და პროგრამირების შესავალი გაიარეს.
აღნიშნულ პროგრამაში აფხაზეთის საჯარო სკოლებიდან მათემატიკისა და ფიზიკის საგნებში მაღალი აკადემიური მოსწრების მოსწავლეები მონაწილეობდნენ.
