გია ვოლსკი - თუ გამოეთიშე ქვეყნის ნგრევას და კარგი ნაბიჯი გადადგი, მაშინ გეყოს ვაჟკაცობა, ინტელექტი და პასუხისმგებლობა ქვეყნის და საზოგადოების წინაშე, რომ პარლამენტში იმუშავო

თუკი გამოეთიშე ქვეყნის ნგრევას და კარგი ნაბიჯი გადადგი, მაშინ გეყოს ვაჟკაცობა, პროფესიონალიზმი, ინტელექტი და პასუხისმგებლობა ქვეყნის და საზოგადოების წინაშე, რომ პარლამენტში იმუშავო,- ამის შესახებ პარლამენტის პირველმა ვიცე - სპიკერმა გია ვოლსკიმ ჟურნალისტებთან განაცხადა, რითაც გამოეხმაურა შეთანხმებაზე ხელისმომწერი ოპოზიციური პარტიებისა და დეპუტატების პოზიციას, რომ ისინი ნიკა მელიას გათავისუფლებამდე, სრულფასოვან საპარლამენტო მუშაობაში არ ერთვებიან.

ვოლსკის თქმით, ისინი ცდილობენ დესტრუქციულ ფორმატში გააგრძელონ საქმიანობა.

„ოპოზიციის ის ნაწილი, რომელიც პარლამენტში შემოვიდა, თავგამოდებით ცდილობს, როგორმე დააბალანსოს თავის მდგომარეობა და მაინც დესტრუქციის ფორმატში ჩაჯდეს, რომელშიც ადრე იმყოფებოდნენ. აქ ევროკავშირის, საერთაშორისო პარტნიორების პოზიცია მეორე პლანზეა გადასროლილი. მერკანტილური მოსაზრებებიც არის იმაში, რომ იყო რადიკალურ მხარეს, არ მუშაობდე პარლამენტში და ამით გარკვეულ პიზიციონირებას აკეთებდე იმ ადამიანების წინაშე, ვინც ქუჩაში აგინებენ და იმ საერთო გეგმის მოღალატეებს უწოდებენ, რასაც საქართველოს ერთობლივი ნგრევა ჰქვია. თუკი გამოეთიშე ამ ნგრევას, კარგი ნაბიჯი გადადგი, მაშინ გეყოს ვაჟკაცობა პროფესიონალიზმი, ინტელექტი და პასუხისმგებლობა ქვეყნის და საზოგადოების წინაშე, რომ იმუშავო პარლამენტში, სამწუხაროდ, ამის დემონსტრირება არ ხდება“, - განაცხადა ვოლსკიმ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!