გიორგი ჩაკვეტაძემ გლობალურ ასამბლეაში მიიღო მონაწილეობა

სპორტისა და ახალგაზრდულ საქმეთა კომისიის თავმჯდომარე, გიორგი ჩაკვეტაძე ,,მსოფლიო მოძრაობა დემოკრატიისთვის’’ და საერთაშორისო რესპუბლიკური ინსტიტუტის (IRI) მიერ ორგანიზებული გლობალური ასამბლეის პანელზე სიტყვით გამოვიდა. ამის შესახებ ინფორმაციას თბილისის საკრებულო ავრცელებს.

მათივე ცნობით, რიგით მეათე ასამბლეა ელექტრონულად გაიმართა. სხვადასხვა ქვეყნის წარმომადგენლებმა ევროპასა და აზიაში მიმდინარე პოლიტიკურ პროცესებზე, რეგიონის გამოწვევებსა და თანამედროვე მმართველობის ინიციატივებზე იმსჯელეს.

„კომისიის თავმჯდომარემ საქართველოში პოსტ-საბჭოთა პერიოდი მიმოიხილა. მან დემოკრატიული რეფორმების მიმდინარეობას და იმ გამოწვევებს გაუსვა ხაზი, რომლებიც ქვეყნის წინაშე ჯერ კიდევ დგას. აღინიშნა ოკუპაციის კუთხით არსებულ ვითარებასა და ევრო-ატლანტიკური ინტეგრაციის შეუქცევადი პროცესის მნიშვნელობაც.

პანელზე სიტყვით გამოსვლის შემდეგ, ასამბლეა დისკუსიის რეჟიმში გაგრძელდა. მონაწილეებმა პოლიტიკური ინსტიტუტების გაჯანსაღების კუთხით, მთავრობების ანგარიშვალდებულება განიხილეს. ასევე, საუბარი შეეხო მოქალაქეზე ორიენტირებულ სერვისებს, მმართველობის დეცენტრალიზაციასა და კორუფციასთან ბრძოლას.

,,მსოფლიო მოძრაობა დემოკრატიისთვის’’ არის საერთაშორისო ქსელი, რომელიც 1999 წლიდან სამოქალაქო აქტივისტებს, მკვლევარებს, პარლამენტარებს, ჟურნალისტებსა და სხვადასხვა დარგის წარმომადგენლებს აერთიანებს. პანდემიით გამოწვეული ვითარების გამო, ქსელის ინიციატივით გლობალური ასამბლეა წელს ელექტრონულად იმართება. ასამბლეის აქტივობები მიმდინარე წლის ივლისამდე გაგრძელდება“,- ნათქვამია ინფორმაციაში.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს