გაერთიანებული წყალმომარაგების კომპანიის დირექტორად ალექსანდრე თევდორაძე დაინიშნა

რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანიის დირექტორად ალექსანდრე თევდორაძე დაინიშნა.

წყალმომარაგების კომპანიის ცნობით, ალექსანდრე თევდორაძეს აქვს საერთაშორისო და ადგილობრივი ინფრასტრუქტურული პროექტების მართვის და საჯარო სექტორში მუშაობის მრავალწლიანი გამოცდილება.

„ალექსანდრე თევდორაძე 2017 წლის იანვრიდან დღემდე იყო საქართველოს საავტომობილო გზების დეპარტამენტის თავმჯდომარის მოადგილე. 2013-2017 წლებში იკავებდა სსიპ საჯარო რეესტრის ეროვნული სააგენტოს თავმჯდომარის მოადგილის თანამდებობას. სხვადასხვა დროს მუშაობდა საქართველოს იუსტიციისა და ფინანსთა სამინისტროებში. იყო იუსტიციის სამინისტროს ბიუჯეტის დაგეგმვისა და შესყიდვების სამსახურის უფროსი. მანამდე კი, საქართველოს იუსტიციის სამინისტროს ეკონომიკური დეპარტამენტის უფროსის მოადგილე.

ალექსანდრე თევდორაძემ 2004 წელს დაამთავრა თბილისის ივანე ჯავახიშვილის სახელობის სახელმწიფო უნივერსიტეტი, სახელმწიფო და მუნიციპალური მართვის, მენეჯმენტისა და მიკროეკონომიკის სპეციალობით. 2005 წელს კი დაამთავრა ამავე უნივერსიტეტის სამართალმცოდნეობის ფაკულტეტი. არის ეკონომიკისა და ბიზნესის მაგისტრი“,-აღნიშნულია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს