ეროვნული ბანკი - მარტში წლიურმა ინფლაციამ 7.2 პროცენტი შეადგინა, ხოლო თებერვალთან შედარებით ფასები 4.2 პროცენტით გაიზარდა

2021 წლის მარტში წლიურმა ინფლაციამ 7.2 პროცენტი შეადგინა, ხოლო თებერვალთან შედარებით ფასები 4.2 პროცენტით გაიზარდა. ამის შესახებ ინფორმაციას საქართველოს ეროვნული ბანკი ავრცელებს.

ეროვნული ბანკის მონაცემებით, ინფლაციის ზრდის მიზეზი კორონავირუსის გამო შექმნილი არაორდინარული ვითარებაა, რის გამოც მიწოდების მხარეს არსებულმა რამდენიმე ფაქტორმა ინფლაციაზე ზრდის მიმართულებით ერთდროულად იმოქმედა.

„მარტში, წინა თვესთან შედარებით, ინფლაციის მატებაზე ყველაზე მეტად კომუნალურ გადასახადებზე საბიუჯეტო სუბსიდიის მოხსნამ იქონია გავლენა, ჯამში 3.1 პროცენტული პუნქტით (პპ). ამავე ფაქტმა წლიური ინფლაცია 1.4 პპ-ით გაზარდა1.

სურსათი წინა წლის მარტთან შედარებით 5.5 პროცენტით გაძვირდა, რითაც ინფლაციაში 1.6 პპ-ით წვლილი შეიტანა. აქედან მხოლოდ მზესუმზირის ზეთის წვლილი 0.5 პპ, ხოლო შაქრის 0.2 პპ იყო. ადგილობრივ ბაზარზე ფასების მატება ამ პროდუქტების მსოფლიო ბაზარზე გაძვირებას უკავშირდება. მსოფლიოში მობილობის აღდგენასთან ერთად გაიზარდა ნავთობზე მოთხოვნა და, შედეგად, ფასებიც, რამაც საწვავიც გააძვირა. ბენზინის და დიზელის კონტრიბუცია ინფლაციის ზრდაში ჯამურად 0.4 პპ-ს გაუტოლდა. ჯანმრთელობის დაცვა წლიურად 13.6 პროცენტით გაძვირდა (1.0 პპ წვლილი ინფლაციაში), ხოლო სიგარეტის წვლილმა ინფლაციაში 0.4 პპ შეადგინა. ამის გარდა, ლარის ეფექტური გაცვლითი კურსის გაუფასურებამ სხვა საქონელის გაძვირებაზეც იმოქმედა. საბაზო ინფლაცია, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლების და თამბაქოს ფასებს გამორიცხავს, 6.6 პროცენტამდე გაიზარდა”, - ნათქვამია ინფორმაციაში.

საქართველოს ეროვნული ბანკი ყოველი თვის ბოლო სამუშაო დღეს საზოგადოებას წარუდგენს გამოცემას „თვის მიმოხილვა". ეროვნული ბანკის ინფორმაციით, მიმოხილვაში დეტალურად არის გაანალიზებული გასული თვის მაკროეკონომიკური პარამეტრები და ქვეყნის საბანკო და საფინანსო სექტორებში არსებული მდგომარეობა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“