ევროპარლამენტი -  მკაცრად ვგმობთ რუსეთის მტრულ ქმედებებს და მოვუწოდებთ დაასრულოს აქტივობები, რაც საფრთხეს უქმნის ევროპაში სტაბილურობას

ევროპარლამენტის წევრებმა ხმათა უმრავლესობით რუსეთთან დაკავშირებით რეზოლუცია მიიღეს, რომელიც ოპოზიციონერ ალექსეი ნავალნის საქმეს, უკრაინის საზღვართან სამხედრო მობილიზაციის გაძლიერებას და ჩეხეთის წინააღმდეგ რუსეთის მხრიდან განხორციელებულ ქმედებებს უკავშირდება.

რეზოლუციაში აღნიშნულია, რომ ევროკავშირსა და რუსეთს შორის ურთიერთობების ამჟამინდელი მდგომარეობა რუსეთის მხრიდან აგრესიითა და უკრაინის მიმდინარე დესტაბილიზაციით არის განპირობებული, ასევე გამოწვეულია ევროკავშირის წევრი ქვეყნების მიმართ მტრული ქცევით და თავდასხმებით, საარჩევნო პროცესში ჩარევებით და დეზინფორმაციის გამოყენებით, გაყალბებებითა და კიბერთავდასხმებით, საბოტაჟისა და ქიმიური იარაღის გამოყენებით.

„ევროპარლამენტი მკაცრად გმობს რუსეთის მტრულ ქმედებებს ევროპაში და მოუწოდებს მის ხელისუფლებას დაასრულოს ეს აქტივობები, რაც ეწინააღმდეგება საერთაშორისო პრინციპებს და ნორმებს და საფრთხეს უქმნის ევროპაში სტაბილურობას“, - ნათქვამია რეზოლუციაში.

ევროპარლამენტი შეშფოთებულია უკრაინის საზღვარზე და ოკუპირებულ ყირიმზე რუსეთის მასშტაბური სამხედრო მობილიზებით და გმობს რუსეთის ფედერაციის ხელმძღვანელობით ამ მუქარის შემცველ და დესტაბილიზაციურ ქმედებებს. რეზოლუციაში ევროპარლამენტარები ითხოვენ, რომ ევროკავშირმა შეამციროს დამოკიდებულება რუსულ ენერგეტიკაზე და მოუწოდებს ევროკავშირის ინსტიტუტებს და ყველა წევრ სახელმწიფოს, შეაჩერონ მილსადენ „ჩრდილოეთის ნაკადი 2“-ის მშენებლობის დასრულება. ევროპარლამენტი რუსეთს მოუწოდებს ალექსეი ნავალნის დაუყოვნებლივ და უპირობოდ გათავისუფლებისკენ.

ევროპარლამენტარები შეახსენებს რუსეთის ხელისუფლებას და პირადად პრეზიდენტ პუტინს, რომ მათ სრული პასუხისმგებლობა აკისრიათ ალექსეი ნავალნის სიცოცხლესა და ჯანმრთელობაზე. რაც შეეხება ჩეხეთში იარაღის საწყობის აფეთქებას, ევროპარლამენტი მკაცრად გმობს ევროკავშირის წევრი სახელმწიფოების დესტაბილიზაციისა და საფრთხის შემცველ საქმიანობას და მოუწოდებს რუსეთს შეწყვიტოს ნებისმიერი ასეთი ქმედება.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!