სახელმწიფო უსაფრთხოების სამსახურის უფროსმა გრიგოლ ლილუაშვილმა, 2020 წლის საქმიანობის ანგარიში პარლამენტის პლენარულ სხდომაზე წარადგინა.

სუს-ის პრესსამსახურის ცნობით, გრიგოლ ლილუაშვილმა გასული წლის საქმიანობა შეაჯამა და დეპუტატების შეკითხვებს უპასუხა. მათი ინფორმაციით, სახელმწიფო უსაფრთხოების სამსახურის უფროსმა ყურადღება გაამახვილა 2020 წელს ქვეყნის წინაშე არსებულ ძირითად საფრთხეებსა და გამოწვევებზე და მათ საპასუხოდ უწყების მიერ გატარებულ ღონისძიებებზე ისაუბრა.

„ანგარიშის ძირითად საკითხებს ქვეყნის ოკუპაცია, კონტრტერორისტული და კონტრდაზვერვითი საქმიანობა, ასევე კორუფციის წინააღმდეგ ბრძოლა წარმოადგენდა. საქართველოს პარლამენტმა, სახელმწიფო უსაფრთხოების სამსახურის 2020 წლის ანგარიში დადებითად შეაფასა“,- აღნიშნულია ინფორმაციაში.