გია ვოლსკი - ქართული საზოგადოებრივი სივრცე წალეკა ისეთმა დანაშაულებებმა, რომელიც თითქოსდა წვრილმანი ხულიგნობის სახელითაა ცნობილი, მაგრამ ფაქტობრივად იქცა ურთიერთზიზღის წყაროდ

ქართული საზოგადოებრივი სივრცე პრაქტიკულად წალეკა ისეთმა დანაშაულებებმა, რომელიც თითქოსდა წვრილმანი ხულიგნობის სახელით არის ცნობილი, მაგრამ ფაქტობრივად იქცა მოუთმენლობის, გაუტანლობის და ურთიერთზიზღის შექმნის წინაპირობად და წყაროდ,- ამის შესახებ ჟურნალისტებთან პარლამენტის პირველმა ვიცე - სპიკერმა გია ვოლსკიმ ადმინისტრაციულ სამართალდარღვევათა კოდექსში ცვლილებებთან დაკავშირებით აშშ - ის საელჩოს განცხადების კომენტირებისას განაცხადა.

ვოლსკის თქმით, აშშ - ის საელჩის განცხადება მისთვის გასაგებია, თუმცა, ეს კანონი ადამიანის უფლებების საწინააღმდეგოდ გამოყენებული არ იქნება. როგორც მან აღნიშნა, ოპოზიციის მხრიდან პოლიტიკური სპეკულაციაა იმის მტკიცება, რომ ეს კანონი საზოგადოების ინტერესს უპირისპირდება.

„წვრილმანი ხულიგნობა გამოყენებული იქნა როგორც მექანიზმი, გეგმაზომიერი ქმედება კონკრეტული ადრესატებისადმი და მათ შორის, არიან სამართალდამცავებიც, რომლებიც პრაქტიკულად სახელმწიფოს წარმოადგენენ. ამას სჭირდება გარკვეული რეაგირება სახელმწიფოს მხრიდან, მაგრამ ეს არანაირად არ უნდა ნიშნავდეს სიტყვის და გამოხატვის თავისუფლების შეზღუდვას.

რაც შეეხება ამერიკის შეერთებული შტატების საელჩოს განცხადებას, ეს პათოსი გასაგებია, რადგან მათ და ევროკავშირს გაცილებით მეტი პასუხისმგებლობა აქვს ამ ვითარებაში აღებული და მიაჩნია, რომ პარტიებს, პოლიტიკურ სუბიექტებს შორის მოლაპარაკება და მყარი გარანტიები რაც მათ მიიღეს პოლიტიკური სუბიექტებისგან, არ უნდა იქნას საფრთხის ქვეშ დაყენებული ამ საკანონმდებლო ინიციატივით, მაგრამ მე შემიძლია დავარწმუნო, რომ ეს კანონი, მისი არსი და სულისკვეთება გამოყენებული იქნება საზოგადოების საუკეთესო ინტერესებიდან გამომდინარე და არა ვინმეს უფლებების შელახვისთვის,"- განაცხადა ვოლსკიმ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა