თენგიზ ცერცვაძე - „ლოკდაუნი“ რომ გამოგვეცხადებინა, 2 კვირაში 200-300 შემთხვევაზე ჩამოვიდოდით - ვარაუდია, რომ შეზღუდვებით, რაც დაწესდა, მინიმუმ არსებულ დონეს შევინარჩუნებთ

თბილისის ინფექციური საავადმყოფოს გენერალური დირექტორის თენგიზ ცერცვაძის განცხადებით, ქვეყანაში დაწესებული შეზღუდვების შემდეგ არის ვარაუდი, რომ ეპიდვითარება კიდევ არ გაუარესდება.

როგორც მან ჟურნალისტებს განუცხადა, ქვეყანაში მკაცრი შეზღუდვები რომ დაწესებულიყო, კორონავირუსით ინფიცირების დღიური მაჩვენებელიც შემცირებოდა, თუმცა, მისი განმარტებით, მოსახლეობას ეკონომიურად უჭირს და ეს მათზეც აისახებოდა.

„მკაცრი „ლოკდაუნი“ რომ გამოგვეცხადებინა, როგორც ისრაელმა გამოაცხადა სამი თვის წინ, ან ახლა თურქეთმა, მაშინ დიდი ალბათობით, „მესამე ტალღა“, რომელიც ჯერ არ არის ისეთი სრულმასშტაბიანი და მოსათმენია, დაახლოებით 1400-1500 შემთხვევაა, დამერწმუნეთ, 2 კვირაში ჩამოვიდოდით 200-300 შემთხვევაზე, მაგრამ ხალხი დაიღალა, განსაკუთრებით ეკონომიურად უჭირთ და ამიტომ, იმ შეზღუდვებით რაც დაწესდა, ვარაუდია, რომ როგორც მინიმუმ, ამ დონეს შევინარჩუნებთ“,-განაცხადა ცერცვაძემ.

მან მოსახლეობას კიდევ ერთხელ მოუწოდა, სპეციალისტების მიერ გაცემული რეკომენდაციები დაიცვან.

„რეკომენდაციები არის ცალსახა, პირბადეების ტარება, სოციალური დისტანცირება და ხალხმრავალი შეკრებებისგან თავის არიდება. ტყუილად კი არ იყო ევროპის ქვეყნებში, მათ შორის ისრაელში და თურქეთში, რომ 2 კაცზე მეტი არ უნდა შეკრებილიყო ოჯახში, ზოგან სასაფლაოზე გასვლაც არის შეზღუდული. ლიტურგიაზე დისტანციის დაცვაა საჭირო“,-განაცხადა ცერცვაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა