„კახი კავსაძე იყო ნაღდი ქართველი ადამიანი", - ამის შესახებ "ლელოს" ლიდერმა, მამუკა ხაზარაძემ ჟურნალისტებთან რუსთაველის ეროვნულ თეატრთან განაცხადა.

მამუკა ხაზარაძემ, მსახიობის ოჯახს მიუსამძიმრა.

"ერთი სიტყვით, რომ ვთქვა, კახი კავსაძე იყო ნაღდი ქართველი ადამიანი, რომელიც სრულად გამოხატავდა იმ განწყობას, სიყვარულს თავისი ქვეყნის მიმართ, ქართველი ხალხის მიმართ, ენის, მუსიკის მომართ. ნამდვილად დიდი დანაკლისია ჩვენი ქვეყნისთვის. დარწმუნებული ვარ, მისი შესრულებული როლები, დიდი თუ პატარა, მისი ნებისმერი გაელვება სცენაზე, თუ ეკარნზე იყო მაგალითი",- აცხადებს ხაზარაძე.

შეგახსენებთ, რომ რუსთაველის თეატრში მსახიობ კახი კავსაძის სამოქალაქო პანაშვიდი მიმდინარეობს. კახი კავსაძეს რუსთაველის ეროვნული თეატრიდან დღეს, 14:00 საათზე გამოასვენებენ. მსახიობს ოჯახის გადაწყვეტილებით, საბურთალოს სასაფლაოზე მეუღლის, ბელა მირიანაშვილის გვერდით დაკრძალავენ.

ქართული კინოსა და თეატრის მსახიობი კახი კავსაძე 85 წლის ასაკში გარდაიცვალა. კახი კავსაძეს 2020 წლის 28 ნოემბერს COVID-19 დაუდასტურდა. იგი თსსუ-ს პირველ საუნივერსიტეტო კლინიკაში სუნთქვის მწვავე უკმარისობით მკურნალობდა.