სერგო ჩიხლაძე - ამ კვირიდან ჩვენი გუნდი, ასევე ჩვენი კოლეგები, საპარლამენტო საქმიანობაში აქტიურად ჩავერთვებით

ჩვენი მხრიდან საპარლამენტო საქმიანობაში 100%-იანი ჩართულობა იქნება 5 პუნქტთან დაკავშირებით და ასევე, სხვა ინიციატივებთან დაკავშირებით, - ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ ჟურნალისტებს განუცხადა.

მისი თქმით, „სტრატეგია აღმაშენებელი“ საარჩევნო რეფორმის საკითხზე მუშაობაში აქტიურად ჩაერთვება.

„საარჩევნო რეფორმაში აქტიურად ვიქნებით ჩართულები. ამ კვირიდან უკვე ჩვენი გუნდი, ასევე ჩვენი კოლეგები, როგორც გადავწყვიტეთ, აქტიურად ჩავერთვებით საპარლამენტო საქმიანობაში, ყველა დონეზე, იქნება ეს საკომიტეტო მოსმენები, სესიები, ბიურო თუ ასე შემდეგ. ჩვენი მხრიდან საპარლამენტო საქმიანობაში 100%-იანი ჩართულობა იქნება 5 პუნქტთან დაკავშირებით და ასევე, სხვა ინიციატივებთან დაკავშირებით. ამ 5 პუნქტს სჭირდება შესრულება და ბოლომდე მიყვანა, მაგრამ ამ პუნქტების გარდა, ძალიან ბევრი მნიშვნელოვანი საკითხია, ამ საკითხებსა და პრობემებზე ჩვენ გვაქვს ჩვენი ინიციატივები და ჩვენი ხედვები. ამის და საზოგადოების დაკვეთის გამო, სრულად ჩავერთვებით ამ საქმიანობაში “, - განაცხადა ჩიხლაძემ.

მისი განმარტებით, „სტრატეგია აღმაშენებელმა“ აიღო პასუხისმგებლობა, მოაწერა დოკუმენტს ხელი და ახლა ყველანაირად ეცდება, შეთანხმება ბოლომდე შესრულდეს.

„ვიღებთ პასუხისმგებლობას და მზად ვართ კრიტიკისთვისაც და ამ კრიტიკაზე პასუხის გასაცემადაც. ასე, რომ არანაირი სახის შენარჩუნება, უკან დახევა, ჩვენი მხრიდან ამ შეთახმების შესრულებაზე არ იქნება, ეს არის ჩვენი პოზიცია“, - განაცხადა ჩიხლაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია