გია ვოლსკი - ნიკა მელიას სვლა აღარ დარჩა, გირაოს უნდა დათანხმდეს - პოლიტიკური გმირი და წამებული ვერ გახდა, რასაც ამ ხნის განმავლობაში ცდილობდა

ნიკა მელიას სვლა აღარ დარჩა - უნდა გირაოს დათანხმდეს და საპატიმროდან გამოვიდეს, მაგრამ შტურმის მომწყობთა ბრიგადირის როლიდან და ფუნქციიდან ვერ გამოდის, - ეს განცხადება დღეს ჟურნალისტებთან პარლამენტის პირველმა ვიცე-სპიკერმა გია ვოლსკიმ გააკეთა.

ვოლსკიმ აქვე დასძინა, რომ მელია ამ როლით პოლიტიკური გმირი და წამებული ვერ გახდა, რასაც მთელი ამ ხნის განმავლობაში ცდილობდა.

„ნაციონალური მოძრაობის“ მთავარი მიზანი - მიხეილ სააკაშვილით დაწყებული, ნიკა მელიას ადვოკატებით დასრულებული - იყო ის, რომ როგორმე მელიასგან წამებული გმირის ფიგურა შეექმნათ. ეს არ გამოვიდა! საერთაშორისო და ქართული საზოგადოების მოთხოვნა, რასაკვირველია, პოლარიზებულია იმ სტრატეგიასთან და გეგმასთან, რაც „ნაცმოძრაობას“ გააჩნია. მელია ამ ორ განზომილებას შორის არის დაკარგული. არ მგონია, რომ მას ადვოკატებმა სწორი რჩევები მისცეს - დავინახეთ მათი მოქმედება სასამართლოში. საზოგადოების წინაშე ბევრად სერიოზული და მნიშვნელოვანი ამოცანებია, რომელშიც ვერ ეწერება პათოსი, რისი შექმნაც „ნაციონალურ მოძრაობას სურს“, - განუცხადა ჟურნალისტებს გია ვოსლკიმ.

მისივე თქმით, აბსურდია იმაზე საუბარი, თითქოს მელიას ციხეში ყოფნა ხელისუფლებას აწყობს.

„გააფთრებით იბრძოდნენ, რომ მელია როგორმე ციხეში წასულიყო. ახლა გააფთრებით იბრძვიან, რომ თუკი გირაოს დასთანხმდა, როგორმე სახე შეინარჩუნონ. ეს არის დილემა, რის წინაშეც ეს კონკრეტული პარტია დგას“, - განაცხადა გია ვოლსკიმ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს