გივი მიქანაძე - ნიკა მელია მიხეილ სააკაშვილის პირადი ტყვე გახდა - ადამიანურად ძალიან მძიმე სიტუაციაში იმყოფება

საზოგადოებისთვის ნათელია, რომ ნიკა მელია ერთი ადამიანის - მიხეილ სააკაშვილის პირადი ტყვე გახდა - მელია სააკაშვილის მიერ დაწერილი სცენარის მახეში გაება და ადამიანურად ძალიან მძიმე სიტუაციაში იმყოფება, - ეს შეფასება ჟურნალისტებთან საუბრისას უმრავლესობის დეპუტატმა გივი მიქანაძემ გააკეთა.

მიქანაძის თქმით, ნიკა მელიას ადვოკატები რამდენიმე თვის წინ საზოგადოებას უმტკიცებდნენ, რომ მელიას თანხმობის გარეშე მისთვის გირაოს გადახდის უფლება არავის ჰქონდა, ხოლო ახლა ამტკიცებენ, რომ გირაო გადახდა მელიას თანხმობის გარეშე შესაძლებელია.

ამასთან, როგორც მიქანაძე აცხადებს, თუკი მელია გირაოს გადახდის თაობაზე ევროკავშირის შეთავაზებას არ მიიღებს, ამნისტიის კანონის მიღებისთვის დალოდება და ამნისტიით გამოსვლა მოუწევს.

“მელიასგან გმირის გამოყვანა უნდოდათ, რაც არ შედგა. რეალურად, მელიამ დაინახა, რომ ის ძალიან წამგებიან პოზიციაში მოხვდა იმ ადამიანის გამო, რომელიც ქვეყნის გარეთ არის ძებნილი და პასუხისმგებაში მიცემული. მელია ცდილობს რაღაცნაირად სახე შეინარჩუნოს და საპატიმრო დაწესებულებიდან მისი გამოსვლა ამ ფორმით მოხდეს“, - აღნიშნა გივი მიქანაძემ.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“