ვახტანგ მეგრელიშვილი - სასაფლაოზე რომ ვიყავი, პოლიციელმა წაიღო ჩემი კვერცხი სასაფლაოზე გასაგორებლად

ოდესმე შეიძლება კვლევა ჩავატაროთ და აღმოვაჩინოთ, რომ ჩვენი პოლიტიკური მოქმედებებით უფრო მეტი ხალხი დავხოცეთ, ვიდრე კორონავირუსმა შეიწირა , - ამის შესახებ „გირჩის“ ერთ-ერთმა ლიდერმა, ვახტანგ მეგრელიშვილმა „პალიტრანიუსის“ ეთერში, გადაცემა „360 გრადუსში“ განაცხადა, სადაც თბილისის მერიის მიერ ხუთშაბათიდან ქუჩების მორეცხვის მასშტაბური სამუშაოების დაწყებას გამოეხმაურა.

ვახტანგ მეგრელიშვილმა აღდგომის პერიოდში დაწესებულ შეზღუდვებზეც ისაუბრა და აღნიშნა, რომ მან თავი უხერხულად იგრძნო, როდესაც პოლიციამ წაიღო მისი კვერცხი საფლავზე გადასაგორებლად.

„ჩვენი დასვენების დღეები წლებია გრძელდება, ეკონომიკური კოლაფსი, რომელიც გვაქვს. თუ მართლა სერიოზულად არ გადავწყვიტეთ რაღაც გავაკეთოთ, მიმართულება შევცვალოთ, ჩვენ ხომ ეკონომიკას ვეღარ ავამუშავებთ? საბოლოო ჯამში, ოდესმე შეიძლება კვლევა ჩავატაროთ და აღმოვაჩინოთ, რომ ჩვენი პოლიტიკური მოქმედებებით უფრო მეტი ხალხი დავხოცეთ, ვიდრე კორონავირუსმა შეიწირა. ეს ხომ საზარელი ტრაგედია იქნება, იმ ადამიანებისთვის ვინც ეს გააკეთა, შემდეგ იმ ცხვრებისთვის, რომლებიც ამ სიგიჟეს ერთი წელი თავს უქნევდნენ. ხომ შეგვრცხვება?

ქუჩის მორეცხვა ამ სიტუაციაში, სადაც ვართ, სასაფლაოების შეზღუდვები... სასაფლაოზე რომ ვიყავი, პოლიციელმა წაიღო ჩემი კვერცხი სასაფლაოზე გასაგორებლად. უხერხულად ვგრძნობდი, არც პროტესტის სურვილი მქონდა, არაფრის სურვილი არ მქონდა. მანქანიდან გადმოსვლის შემრცხვა. საკუთარ თავს ჩვენ თვითონ მოვუწყვეთ, როგორც მთავრობამ, ისევე ხალხმა მორჩილებით და უცოდინრობით“,- აცხადებს მეგრელიშვილი.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!