ნინო წილოსანი - დოკუმენტის ხელმომწერი პოლიტიკური ლიდერების დიდ ნაწილს დაწერილიდან შინაარსის გამოტანა უჭირს ან ძალიან თავხედურად მანიპულირებენ

მე ვფიქრობ, ამ დოკუმენტის ხელმომწერი პოლიტიკური ლიდერების დიდ ნაწილს ან დაწერილიდან შინაარსის გამოტანა უჭირს, ან ძალიან თავხედურად მანიპულირებენ,- ამის შესახებ საპარლამენტო უმრავლესობის წევრმა ნინო წილოსანმა „პალიტრანიუსის“ ეთერში, გადაცემაში „360 გრადუსი“ განაცხადა.

როგორც წილოსანი განმარტავს, საგამოძიებო კომისიის შექმნა, პროცესს ხელახლა ატრიალებს.

„შეთანხმების დოკუმენტი, რომელიც იყო ძალიან მნიშვნელოვანი მიღწევა, რომელსაც ჩვენი ყველა საერთაშორისო მნიშვნელოვანი, სერიოზული პარტნიორი დიდი ხანი მუშაობდა ჩვენთან ერთად და მთელი ეს პროცესი წარმატებულ შედეგამდე მიიყვანა, მკაფიოდ განსაზღვრავს ამნისტიის აუცილებლობას. ეს აუცილებლობა გამომდინარეობს იქედან, რომ დასრულდეს პოლიტიკური დაპირისპირება და საზოგადოების გახლეჩა 19-21 ივნისის საკითხებზე. უნდა შეეხოს ყველა ბრალდებულს და მსჯავრდებულს, რომელიც ამ დღეების დანაშაულებთანაა დაკავშირებული. ამიტომ ნებისმიერი ინტერპრეტაციაა, რომ შეეხოს მხოლოდ ნიკა მელიას და გარკვეული უპირატესობა მიეცეს, ან არ შეეხოს ვიღაც სხვას, მეორე მხარეს. ორივე მხარეს არიან დაზარალებულები. იმისთვის, რომ გადაგვეზღვია კონვენციური მუხლების ამ ამნისტიაში მოხვედრა, ერთ-ერთი ყველაზე მნიშვნელოვანი თემა იყო, რომ განზრახ მძიმე დაზიანების შემთხვევაში პირს არ შეეხება ამნისტია. ამით გარკვეულწილად ის უხერხული მომენტი, რაც იყო ნამდვილად, (თითოეული დაზარალებულის მიმართ ძალიან დიდ მხარდაჭერას გამოვხატავ), გვინდოდა, რომ ამით თავიდან აგვეცილებინა.

საგამოძიებო კომისიის შექმნა ხელახლა ატრიალებს იმ პროცესს, რომელზე ფაქტიურად მთელი ეს პერიოდი გავიარეთ, ნამდვილად შევთანხმდით და ხელი მოაწერეს“,- განაცხადა ნინო წილოსანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა