სოსო არჩვაძე - ეკონომიკაში ნამდვილად არ არის იოლი მდგომარეობა, თუმცა ეს მდგომარეობა დიდწილად გამოწვეულია გარე ეკონომიკური ფაქტორებით

ეკონომიკაში ნამდვილად არ არის იოლი მდგომარეობა - სანამ საბოლოოდ არ იქნება დამარცხებული ეს პანდემია, მანამდე ჩვენი ეკონომიკა და თითოეული ჩვენთაგანის ეკონომიკური კეთილდღეობა იქნება მძევალი აღნიშნული მდგომარეობის, - ამის შესახებ ეკონომიკის ექსპერტმა სოსო არჩვაძემ მედიაჰოლდინგ "კვირაში" გამართულ ბრიფინგზე განაცხადა.

მისივე თქმით, ადრე თუ გვიან, ქვეყანას თავად მოუწევს სახელმწიფო ვალების გასტუმრება, რომლის სიმძიმე სულ უფრო და უფრო მეტად იქნება საგრძნობი.

"ეკონომიკაში ნამდვილად არ არის იოლი მდგომარეობა, თუმცა უნდა გვახსოვდეს, რომ ეს მდგომარეობა დიდწილად გამოწვეულია გარე ეკონომიკური ფაქტორებით. სანამ საბოლოოდ არ იქნება დამარცხებული ეს პანდემია, მანამდე ჩვენი ეკონომიკა და თითოეული ჩვენთაგანის ეკონომიკური კეთილდღეობა იქნება მძევალი აღნიშნული მდგომარეობის. სასურველია, რომ შედეგი გვქონდეს უფრო მეტი, მაგრამ ყველაფერი დამოკიდებულია იმ რესურსის სიდიდეზე, რომელიც გააჩნია ქვეყანას ამ კონკრეტულ მომენტში. ჩვენი ქვეყანა არის სოციალურად ორიენტირებული სახელმწიფო, ამიტომ საზოგადოების წევრების მდგომარეობის დაცვაზე, შენარჩუნებაზე და გაუმჯობესებაზე ზრუნვა ხელისუფლების ქვაკუთხედს წარმოადგენს. ყველაფერი დამოკიდებულია რესურსების რაოდენობაზე. გამომდინარე იქიდან, რომ ჩვენ შეზღუდული რესურსები გვქონდა სახელმწიფო იძულებული გახდა გარე წყაროებიდან მოეზიდა სახსრები და ამან გამოიწვია თითქმის 16 პროცენტული მუხლით სახელმწიფო ვალის გაზრდა, კრიტიკულ ზღვარს მიუახლოვდა და ფაქტობრივად გადალახა სახელმწიფო ვალის თანაფარდობა მთლიან შიდა პროდუქტთან. შემდგომი ამ მიმართულებით წასვლა კონტრპროდუქტიული იქნებოდა იმიტომ, რომ ადრე თუ გვიან, სახელმწიფოს თავად მოუწევს ამ ვალების გასტუმრება, რომლის სიმძიმე სულ უფრო და უფრო მეტად იქნება საგრძნობი", - განაცხადა სოსო არჩვაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს