მე-10 მოწვევის პარლამენტის მიერ დეკემბერი-მარტის პერიოდში საწვავზე 172 253 ლარი დაიხარჯა

საქართველოს მე-9 მოწვევის პარლამენტის წევრებმა და აპარატის თანამშრომლებმა 4 წლის განმავლობაში საწვავზე 3 225 249,70 ლარი დახარჯეს, მე-10 მოწვევის პარლამენტის წევრებმა კი 4 თვის განმავლობაში (12 აპრილის მდგომარეობით) კი 172 253,61 ლარი.

როგორც “ინტერპრესნიუსის“ მიერ პარლამენტიდან გამოთხოვილ საჯარო ინფორმაციაშია აღნიშნული. საქართველოს მე-10 მოწვევის პარლამენტის წევრებისთვის ყოველთვიურად, ჯამში 25 000 ლიტრი საწვავი გამოიყოფა, ხოლო ავტომანქანის მომსახურებით პარლამენტის 47 წევრი სარგებლობს.

საჯარო ინფორმაციის მიხედვით, საქართველოს მე-9 მოწვევის პარლამენტის წევრებმა და აპარატის თანამშრომლებმა 4 წლის განმავლობაში ყველაზე მეტი საწვავი 2018 წელს მოიხმარეს და ბენზინისა და დიზელისთვის ბიუჯეტიდან დახარჯულმა თანხამ 969 772,37 ლარი შეადგინა. რაც შეეხება 2017 წელს, საწვავზე 748 381,04 ლარი დაიხარჯა. 2019 წლის ხარჯმა 870 254,27 ლარი შეადგინა. 2020 წელს კი ბიუჯეტიდან საწვავისთვის 636 842,02 ლარი დაიხარჯა.

საჯარო ინფორმაციის მიხედვით, 2021 წლის 12 აპრილის მდგომარეობით, საქართველოს პარლამენტის ბიუჯეტიდან მე-10 მოწვევის პარლამენტის წევრებისა და აპარატის თანამშრომლებმა ყველაზე ბევრი საწვავი მარტის თვეში მოიხმარეს და 22 ათასზე მეტი ლიტრ საწვავში დაახლოებით 52 ათასი ლარი დახარჯეს.

„აქვე უნდა აღინიშნოს, რომ საქართველოს პარლამენტის ბიუჯეტით ნებისმიერი ხარჯი თითოეული პარლამენტის წევრისთვის ან აპარატის თანამშრომლისთვის არ გამოიყოფა, არ არის პერსონიფიცირებული. საქართველოს პარლამენტში მისი სტრუქტურის გათვალისწინებით განისაზღვრება ყოველთვიური ან წლიური ლიმიტები და მის ფარგლებში ხორციელდება ხარჯის გაწევა“, - აცხადებენ პარლამენტში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა