მედეა ჯანიაშვილი - ჩვენი მთავარი მიზანია, ტურიზმი აღდგეს თანმიმდევრული და სწორი ნაბიჯებით

ჩვენი მთავარი მიზანია, ტურიზმი აღდგეს ძალიან თანმიმდევრული და სწორი ნაბიჯებით იმისთვის, რომ გრძელვადიან პერსპექტივაში შევძლოთ ნაკადის მიღება და შენარჩუნება ,- ამის შესახებ ტურიზმის ეროვნული ადმინისტრაციის ხელმძღვანელის მოვალეობის შემსრულებელმა, მედეა ჯანიაშვილმა ჟურნალისტებს განუცხადა.

მისი თქმით, ამ მიმართულებით ყველა აქტივობის განხორციელებისთვის უპირობა წინაპირობა ვაქცინაციაა.

„ჩვენი მთავარი მიზანია, მაქსიმალურად სწრაფად აღვადგინოთ ტურიზმის სექტორი. ნებაყოფლობითი ვაქცინაცია და ტურისტული სექტორის პრიორიტეტულ ჯგუფად გამოცხადება არის ამ ყოველივეს წინაპირობა. შესაბამისად, ჩვენ დღეს განვიხილავთ პროცესს, მათ შორის ეკონომიკის სამინისტროს, ტურიზმის ეროვნული ადმინისტრაციის კორდინაციის საკითხს ჯანდაცვის სამინისტროსთან, რათა მაქსიმალურად სწრაფად და გაორმაგებულად მოხდეს სექტორში დასაქმებულთა ნებაყოფლობითი ვაქცინაცია, რაც ერთი მხრივ, საშუალებას მოგვცემს საერთაშორისო ბაზარზე პოზიციონირება გავაკეთოთ უსაფრთხო მოგზაურობის. ასევე იმ ობიექტებს ხელი შევუწყოთ, რომ რეკლამა გაუკეთონ თავიანთ ობიექტებს, როგორც უსაფრთხო ტურიზმის ობიექტს. უშუალოდ ამ კომპანიების სია დაინტეგრირდება ჩვენს ტურისტულ ვებ-პლატფორმაზე, ყველა სოციალურ ქსელში, მათ შორის მარკეტინგულ აქტივობაში, რომელსაც საერთაშორისო ბაზარზე ვახორციელებთ, ამ სიის გაზიარება მოხდება დაინტერესებული პირებისთვის.

ჩვენი მთავარი მიზანია, ტურიზმი აღდგეს ძალიან თანმიმდევრული და სწორი ნაბიჯებით იმისთვის, რომ გრძელვადიან პერსპექტივაში შევძლოთ ნაკადის მიღება და შენარჩუნება. შესაბამისად, ვაქცინაცია არის ყველა იმ აქტივობის უპირობა წინაპირობა, რომელიც ამ მიმართულებით განხორციელდება, რომ რაც შეიძლება მაქსიმალურად აღდგეს სექტორი ქვეყანაში“,-განაცხადა ჯანიაშვილმა.

რაც შეეხება მარკეტინგულ აქტოვობებს, როგორს ის აღნიშნავს, იმ პროდუქტების პოპულარიზაციაზე დაიწყება მუშაობა, რაც პოსტ კოვიდურ პერიოდში მნიშვნელოვანი და მიმზიდველია საერთაშორისო ვიზიტორებისთვის.

„ტურიზს წელს გარკვეული შეზღუდვების გამო, ძალიან შეზღუდული ბიუჯეტი აქვს წინა წლებთან მიმართებით, თუმცა ვგეგმავთ, რომ კონკრეტული და ფოკუსირებული კამპანიები გავაკეთოთ. იგულისხმება ის, რომ ქვეყნის, როგორც უსაფრთხო დასვენების პოზიციონირება მოვახდინოთ და მეორე მხრივ, უშუალოდ იმ პროდუქტების პოპულარიზაციაზე ვიმუშავოთ, რაც პოსტ კოვიდურ პერიოდში მნიშვნელოვანი და მიმზიდველია ჩვენი საერთაშორისო ვიზიტორებისთვის“,-განაცხადა ჯანიაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა