„პაშა ბანკის“ დირექტორთა საბჭოში ცვლილებები განხორციელდა

სს „პაშა ბანკ საქართველოს“ სამეთვალყურეო საბჭოს გადაწყვეტილებით, 2021 წლის 29 აპრილიდან დირექტორთა საბჭოს თავმჯდომარედ და გენერალურ დირექტორად ნიკოლოზ შურღაია დაინიშნა; რისკების დირექტორად და დირექტორთა საბჭოს წევრად - ლევან ალადაშვილი; ხოლო ინფორმაციული ტექნოლოგიების და საოპერაციო დირექტორად და დირექტორთა საბჭოს წევრად - გიორგი ჩანადირი.

ამის შესახებ ინფორმაციას „პაშა ბანკი“ ავრცელებს.

მათი ინფორმაციით, „პაშა ბანკს“ ტოვებს არდა იუსუფ არკუნი, რომელსაც 2018 წლიდან ბანკში გენერალური დირექტორის და დირექტორთა საბჭოს თავმჯდომარის თანამდებობა ეკავა.

„პაშა ბანკში“ რისკების დირექტორის და დირექტორთა საბჭის წევრის თანამდებობას ტოვებს ასაფ ჰუსეინოვიც, რომელიც აღნიშნულ პოზიციაზე 2019 წლიდან მუშაობდა. არდა და ასაფი ფაშა ჰოლდინგში გააგრძელებენ მუშაობას. „პაშა ბანკის“ დირექტორთა საბჭო ამჟამად ოთხი დირექტორისგან შედგება: დირექტორთა საბჭოს თავმჯდომარე, გენერალური დირექტორი - ნიკოლოზ შურღაია; დირექტორთა საბჭოს წევრი, ფინანსური დირექტორი - სელიმ ბერენტი; დირექტორთა საბჭოს წევრი, რისკების დირექტორი - ლევან ალადაშვილი; დირექტორთა საბჭოს წევრი, ინფორმაციული ტექნოლოგიების და საოპერაციო დირექტორი - გიორგი ჩანადირი.

„პაშა ბანკი“ საქართველოს ახლად დანიშნულმა გენერალურმა დირექტორმა, ნიკოლოზ შურღაიამ 1995 წელს მიიღო ბაკალავრის ხარისხი თბილისის სახელმწიფო უნივერსიტეტში ფინანსების და კრედიტის სპეციალობით. ის ასევე ეკონომიკის მაგისტრია და ლონდონის ბიზნეს სკოლის ბიზნეს ადმინისტრირების სამაგისტრო პროგრამის კურსდამთავრებული. ნიკოლოზმა კარიერა 1994 წელს საქართველოს ექსიმბანკში (შემდგომ გაერთიანებული ქართული ბანკი) დაიწყო, სადაც 2002 წლამდე სხვადასხვა პოზიციაზე მუშაობდა. 2004 წელს ის მოსკოვში, ABN AMRO BANK-ის ვიცე პრეზიდენტის თანაშემწედ დაინიშნა. 2005-2008 წლებში კი ლონდონში, EBRD-ის საფინანსო ინსტიტუტების ჯგუფში ძირითადი ბანკირი იყო. ნიკოლოზ შურღაია 2008-2009 წლებში თბილისში, VTB ბანკის გენერალური დირექტორის თანამდებობაზე მუშაობდა; ხოლო 2009-2011 წლებში მას მინსკის Belarusky Narodny Bank-ის აღმასრულებელი თავმჯდომარის და საქართველოს ბანკის გენერალური დირექტორის მოადგილის პოზიციები ეკავა. ნიკოლოზი 2012-2014 წლებში ბაქოში, Rabitabank-ის გამგეობის თავმჯდომარე იყო, ხოლო 2016-2020 წლებში - Yelo Bank-ის. ნიკოლოზ შურღაია 2011 წლიდან დღემდე აზერბაიჯანში, ბელარუსში, საქართველოსა და ყაზახეთში მომუშავე ფინანსური ინსტიტუტების(საქართველოს საფონდო ბირჟა, „პაშა ბანკი საქართველო“, Bank Moscow-Minsk, EvrotorgInvestBank, Caspian Financial Group) დამოუკიდებელი მრჩეველია“, - აღნიშნულია ინფორმაციაში.

„პაშა ბანკი“ ჩემთვის კარგად ნაცნობი და ახლობელი ორგანიზაციაა. 2015-2016 წლებში „პაშა ბანკ საქართველოში“ სამეთვალყურეო საბჭოს წევრი ვიყავი და მიხარია, რომ ახლა ასეთი შესაძლებლობა მომეცა. ერთი მხრივ, ბედნიერი ვარ, რომ საქართველოში დავბრუნდი. მეორე მხრივ, ჩემთვის ორმაგად საპასუხისმგებლო და საინტერესოა რთულ ეკონომიკურ პერიოდში სამშობლოში უცხოური ბანკის ხელმძღვანელობა. ამასთან, მუშაობის პირდაპირ ეფექტებთან ერთად საშუალება მეძლევა, სხვადასხვა მიმართულებით ვიყო სასარგებლო, მათ შორის, ნიჭიერ და მოტივირებულ ახალგაზრდა მენეჯერებს, რომლებიც მრავლად არიან ბანკში, განვითარებაში ხელი შევუწყო,“- განაცხადა „პაშა ბანკის“ ახალმა გენერალურმა დირექტორმა, ნიკოლოზ შურღაიამ.

ცნობისთვის, „პაშა ბანკი“ ბაქოში სათავო ოფისის მქონე ფინანსური ინსტიტუტია, რომელიც ოპერირებს აზერბაიჯანში, საქართველოსა და თურქეთში. „პაშა ბანკი“ მსხვილ, საშუალო და მცირე ზომის საწარმოებს კორპორაციულ და საინვესტიციო საბანკო მომსახურებას სთავაზობს. მისი ქვე ბრენდია რე|ბანკი, რომლის მიზანია, გაამარტივოს და ახლებურად წარმოადგინოს საბანკო მომსახურება საცალო სექტორში.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება