შარლ მიშელის დოკუმენტზე ხელმომწერი ოპოზიციის წევრების ნაწილი ზაზა გახელაძის ოჯახის წევრებს ხვდება

„სტრატეგია აღმაშენებლის“ ოფისში, ამ წუთებში, შარლ მიშელის დოკუმენტზე ხელმომწერი ოპოზიციის წევრების ნაწილი ზაზა გახელაძის ოჯახის წევრებს ხვდება.

როგორც გახელაძის მეუღლემ, ირმა ბუთხუზმა ჟურნალისტებთან განაცხადა, შეხვედრაზე ინფორმაციების გაცვლა მოხდება.

ოპოზიციონერი პოლიტიკოსების განმარტებით, ხელისუფლება ქმედით ნაბიჯებს არ დგამს იმისთვის, რომ ზაზა გახელაძეს დაეხმარონ. ისინი ოჯახისგან შეფასებებს მოისმენენ იმასთან დაკავშირებით, თუ რა კონკრეტული ნაბიჯები განახორციელა ხელისუფლებამ და რა მოქმედებებია მომავალში საჭირო.

შეგახსენებთ, 33 წლის ზაზა გახელაძე საოკუპაციო რეჟიმის წარმომადგენლებმა გასული წლის 11 ივლისს, კასპის მუნიციპალიტეტში, სხვილოს ციხის მიმდებარე ტერიტორიაზე უკანონოდ დააკავეს. დაკავებისას, ე.წ. მესაზღვრეებმა გახელაძე ცეცხლსასროლი იარაღის გამოყენებით ფეხის არეში დაჭრეს, რის შემდეგაც უკანონოდ აღუკვეთეს თავისუფლება.

5 თებერვალს, ე.წ. სასამართლომ ზაზა გახელაძეს 12 წლით და 6 თვის ვადით თავისუფლების აღკვეთა მიუსაჯა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს