სამედიცინო და ფარმაცევტული საქმიანობის რეგულირების სააგენტო კლინიკა „თბილისი სითი მედიკალში" იმყოფება და სამედიცინო დაწესებულებაში არსებულ მდგომარეობას ამ წუთებში ამოწმებს.
როგორც "ინტერპრესნიუსს" ჯანდაცვის სამინისტროდან აცნობეს, რეგულირების სააგენტო კლინიკაში მას შემდეგ შევიდა, რაც მედიაში სამედიცინო დაწესებულებასთან დაკავშირებული ნეგატიური ინფორმაცია გავრცელდა.
მათივე ცნობით, მონიტორინგის შედეგად სააგენტო დაადგენს, რამდენად შეესაბამება გავრცელებული ინფორმაცია სიმართლეს და შესაბამის ღონისძიებებს გაატარებს.
ამასთან, უწყების მიერ გავრცელებულ ინფორმაციაში აღნიშნულია, რომ "თბილისი სითი მედიკალი“ კოვიდ-19-ით ინფიცირებული პაციენტების მკურნალობის პროცესშია ჩართული.