„ნაციონალური მოძრაობის“ თავმჯდომარეს, ნიკა მელიას პარტიის წევრები ხვდებიან. რუსთავის №12 სასჯელაღსრულების დაწესებულებში „ნაციონალური მოძრაობის“ წევრები რიგრიგობით მიდიან. ნიკა მელიას ამ წუთებში კობა ნაყოფია ხვდება. მანამდე, ნიკა მელია ხატია დეკანოიძემ მოინახულა. დღესვე ნიკა მელიასთან შეხვედრას „რესპუბლიკური პარტიის“ ერთ-ერთი ლიდერი, თამარ კორძაიაც გეგმავს.
„ზოგადად, უნდა დაველაპარაკო და უნდა მოვინახულო, თავს როგორ გრძნობს, რას ფიქრობს“,-განუცხადა შეხვედრის დაწყებამდე ნაყოფიამ ჟურნალისტებს.
ნიკა მელიას მოსანახულებლად იმყოფებოდა ასევე მისი ადვოკატი, დიტო საძაგლიშვილი, რომელმაც მედიასთან კომენტარი არ გააკეთა.
არსებული ინფორმაციით, შეხვედრის მთავარი თემა ამნისტიის შესახებ კანონპროექტია, რასაც ნიკა მელია ეწინააღდმდეგება.