საქართველოს წითელი ჯვარი 100 000 დოზა “სინოფარმის” ჯანდაცვის სამინისტროსთვის გადაცემასთან დაკავშირებით ინფორმაციას ავრცელებს
საქართველოს წითელი ჯვრის საზოგადოების პრეზიდენტიის ნათია ლოლაძის განცხადებით, ჩინეთისწითელი ჯვრისა და წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მხარდაჭერით, საქართველოს წითელი ჯვარი 100 000 დოზა „სინოფარმს“ მიიღებს და ჯანდაცვის სამინისტროს გადასცემს. ამის შესახებ წითელი ჯვრის საზოგადოების პრეზიდენტის ნათია ლოლაძის, წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის ოფისის ხელმძღვანელის სამხრეთ კავკასიაში, ოლგა ჯუმაევასა და ჯანდაცვის მინისტრ ეკატერინე ტიკარაძეს შორის გამართულ შეხვედრაზე ისაუბრეს.
საქართველოს წითელი ჯვრის საზოგადოების ცნობით, ჯანდაცვის სამინისტროსა და დაავადებათა კონტროლის ეროვნულ ცენტრთან თანამშრომლობით, საქართველოს წითელი ჯვარი აქტიურად არის ჩართული ქვეყანაში ვაქცინაციის პროცესის წარმატებით განხორციელებაში. მათივე განმარტებით, ამ მიმართულებით ტარდება არაერთი ღონისძიება, მათ შორის, მიმდინარეობს მუდმივი საინფორმაციო კამპანიები ვაქცინაციასთან დაკავშირებით.
„საქართველოს წითელი ჯვრის საზოგადოების მოხალისეები საინფორმაციო მასალებს ქართულ, სომხურ და აზერბაიჯანულ ენებზე ავრცელებენ. აღსანიშნავია ისიც, რომ 1-ლი მაისიდან წითელი ჯვრის ქვემო ქართლის ფილიალების თანამშრომლები, მოხალისეებთან ერთად, ვაქცინაციის მსურველ ადგილობრივ მოსახლეობას, წითელი ჯვრის ცხელი ხაზის ოპერატორების დახმარებით, რეგისტრაციის გავლაში ეხმარებიან,“- ნათქვამია ინფორმაციაში.
