სოზარ სუბარის შეფასებით, კარგია, რომ ოპოზიციის წარმომადგენლები პრეზიდენტთან კონსულტაციებს მართავენ და „შალვას ფანჩატურიდან“ გამოვიდნენ

თავისთავად ძალიან კარგია, რომ ოპოზიციის წარმომადგენლები პრეზიდენტთან კონსულტაციებს მართავენ და შალვას ფანჩატურიდან გამოვიდნენ,- ამის შესახებ უმრავლესობის წევრმა სოზარ სუბარმა ჟურნალისტებს „ადმინისტრაციულ სამართალდარღვევათა კოდექსში“ ცვლილებებთან დაკავშირებით გამართულ შეხვედრებზე საუბრისას განუცხადა. როგორც სუბარმა აღნიშნა, პრეზიდენტი უმრავლესობას არ დაეთანხმა კანონის დაჩქარებული წესით მიღების აუცილებლობაში, თუმცა გაიზიარა ხედვა, რომ ეს ცვლილებები აბსოლუტურად დემოკრატიულია.

სალომე ზურაბიშვილი არის დამოუკიდებელი და მას ეს არაერთხელ დაუდასტურებია. გუშინ რამდენიმე შეხვედრა გაიმართა, რომელთაგანაც „ადმინისტრაციულ სამართალდარღვევათა კოდექსს“ შეეხებოდა მხოლოდ ორი. ეს იყო შინაგან საქმეთა მინისტრთან და უმრავლესობის წევრებთან - მიხეილ სარჯველაძესთან და მამუკა მდინარაძესთან. ორივე შემთხვევაში ჩვენი მიზანი იყო აგვეხსნა, რატომ მივიღეთ ეს გადაწყვეტილებები. პრეზიდენტი ვერ დავარწმუნეთ იმაში, რომ ამ გადაწყვეტილებების დაჩქარებული წესით მიღება იყო სწორი და სამართლიანი და ამაზე მან გაგვაკრიტიკა. ეს ის თემაა, რასაც შეიძლება დავეთანხმოთ, მაგრამ სრულად გაიზიარა ხედვა, რომ ეს ცვლილებები არის აბსოლუტურად დემოკრატიული, აბსოლუტურად ჯდება სტანდარტში და არის საჭირო, რომ დავიცვათ ჩვენი მოქალაქეები განმეორებითი გამოხტომებისგან, დასაცავი სუბიექტები შეიძლება იყვნენ რიგითი მოქალაქეებიც და პოლიციელებიც. ეს ცვლილებები არის გაცილებით ლიბერალური, ვიდრე ყველაზე ლიბერალური კანონმდებლობაც კი, რომელიც დემოკრატიულ ქვეყნებში არსებობს“,- განაცხადა სუბარმა.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის