კახა ოქრიაშვილის განცხადებით, ხელისუფლება ნიკა მელიას სახელმწიფო გადატრიალებას ედავება, ევროკავშირი კი ფულს იხდის, რომ ის გარეთ გამოვიდეს

პარტიის „პროგრესი და თავისუფლება“ ლიდერის, კახა ოქრიაშვილის განცხადებით, სახელმწიფო ნიკა მელიას გადატრიალებას ედავება, ევროკავშირი კი ფულს იხდის, რომ ის გარეთ გამოვიდეს.

როგორც ოქრიაშვილმა ნიკა მელიასთან სასჯელაღსრულების დაწესებულებაში შეხვედრის შემდეგ განაცხადა, ის, რომ გირაო არის ჩარიცხული, მათ ციხიდან გამოსვლის შემდეგ შეიტყვეს.

ნიკა მელიამ ამასთან დაკავშირებით არაფერი იცოდა. მისი თანხმობა არ იყო საჭირო და არ მიუცია ამ ჩარიცხვაზე. მაგრამ აქ არის მთავარი ის, რა მოხდა ამ თანხის ჩარიცხვით - „ქართული ოცნება“ ადამიანს ედავება, რომ ის სახელმწიფო გადატრიალებას აწყობდა, ევროკავშირმა კი ფული გადაიხადა, რომ გამოვიდეს გარეთ. ეს არის დიაგნოსტირება ჩვენი მართლმსაჯულების სისტემის. ჩვენი მართლმსაჯულების სისტემა უბრალოდ, მართალ ადამიანებს ანადგურებს და ციხეში სვამს.

ნიკა მელია არის კარგ ფიზიკურ ფორმაში, რომ გამოვა დღეს ან ხვალ თქვენ თვითონ ნახავთ. ვისაუბრეთ აბსოლუტურად ყველაფერზე - პოლიტიკაზე, რეიტინგებზე, ის წუხს, რომ მრავალმა პოლიტიკურმა პარტიამ წინსწრებით მოაწერა ხელი ამ შეთანხმებას. სურს, რომ იყოს ოპოზიციური ერთობა. ჩვენც დავეთანხმეთ, რომ მთავარი ოპოზიციური ერთობაა, მაგრამ ვინ არიან ეს ოპოზიციონერები? არიან „მოქალაქეები“ - არ არიან, არის „სტრატეგია აღმაშენებელი“ ოპოზიციური პარტია? აქ დიდი კითხვის ნიშანია დასმული მისი ლიდერის ბოლოდროინდელი განცხადებებიდან გამომდინარე. ნამდვილი, რეალური ოპოზიცია მოვიშორებთ ყველანაირ რბილ ნაწილებს და ერთიანად შევუდგებით მზადებას შემოდგომის პლებისციტისთვის და ადგილობრივი არჩევნებისთვის“, - განაცხადა ოქრიაშვილმა.

შეგახსენებთ, რომ ევროკავშირმა „ნაციონალური მოძრაობის“ თავმჯდომარის, ნიკა მელიას გირაოს თანხა გადაიხადა. „ნაციონალური მოძრაობის“ თავმჯდომარის ნიკა მელიას გირაოს თანხა „ევროპულმა ფონდმა დემოკრატიისთვის“ (European Endowment for Democracy) გამოყო და ხელისუფლებას საქართველოს ახალგაზრდა იურისტთა ასოციაციამ გადასცა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია