ხატია დეკანოიძე - ევროკავშირის მიერ გირაოს დეკლარირება ზუსტად იმის დადასტურებაა, რომ საქართველოში არიან პოლიტპატიმრები - არც იმას გამოვრიცხავ, რომ პროკურატურამ  პროცედურა გაწელოს

რა თქმა უნდა, ევროკავშირის მიერ, გირაოს დეკლარირება ზუსტად არის იმის დადასტურება, რომ საქართველოში არიან პოლიტპატიმრები და საქართველოში არის პოლიტიკური მართლმსაჯულება, - ამის შესახებ "ნაციონალური მოძრაობის" ერთ-ერთმა ლიდერმა ხატია დეკანოიძემ "ინტერპრესნიუსთან" საუბრისას განაცხადა.

დეკანოიძე არ გამორიცხავს, რომ პროკურატურამ სასამართლოს დღესაც არ მიმართოს.

"ნიკა რომ პოლიტპატიმრად არის აღიარებული და აღიარა ევროკავშირმა, ეს დადასტურდა იმ საჯარო გამოხმაურებებით, რომელიც იყო 23 თებერვლის შემდეგ, მე ვგულისხმობ მის დაკავებას და ჩვენს ოფისზე თავდასხმას. ევროკავშირის მიერ, რა თქმა უნდა, გირაოს დეკლარირება ზუსტად არის იმის დადასტურება, რომ საქართველოში არიან პოლიტპატიმრები და საქართველოში არის პოლიტიკური მართლმსაჯულება იმიტომ, რომ ევროკავშირს ასეთი დეკლარირებული მიდგომა არ აქვს სხვა ადამიანების მიმართ, ეს არის უპრეცედენტო შემთხვევა. სხვათაშორის ასეთი დამოკიდებულება ევროკავშირს აქვს ხოლმე რუსეთში პოლიტპატიმრებზე და ბელარუსში ლუკაშენკოს პატიმრებზე და რა თქმა უნდა, კიდევ ერთხელ დადასტურდა, რომ პოლიტიკური მართლმსაჯულება არის საქართველოში. ჩემი წარმოსახვით ეს არ არის დემოკრატიის ზეიმი, პირიქით ეს არის იმ ვითარების კიდევ უფრო მძიმედ აღწერა, რომ სასამართლო და პროკურატურა არის ერთი ადამიანის ხელში. რა თქმა უნდა, გირაოს დეკლარირება ყოველგვარი მისი თანხმობის გარეშე არის ძალიან მნიშვნელოვანი დეკლარაცია ევროკავშირის მხრიდან. რაც შეეხება იმას, რომ ამ დრომდე პროკურატურას არ მიუმართავს სასამართლოსთვის, გუშინ სასაცილო განცხადება მოვისმინე იმასთან დაკავშირებით, რომ მეილი გვიან მივიდა და ა.შ. არ ვიცი, დაველოდოთ, იმედია დღეს მიმართავენ თუმცა არც იმას გამოვრიცხავ, რომ ეს პროცედურა გაწელონ. პროცესუალურად ყველანაირი ნორმა დარღვეულია დაკავებისას, საქმის აღძვრისას, განხილვისას - ეს არ არის სისხლის სამართლებრივი განზომილება, ეს არის პოლიტიკური ჭრილი ამ მართლმსაჯულების", - განაცხადა დეკანოიძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს