„ლელოს“ ოფისში ოპოზიციური პოლიტიკური პარტიების წარმომადგენლები შეიკრიბნენ.
პარლამენტის არჩეული წევრის, სალომე სამადაშვილის განცხადებით, ოპოზიციამ სწრაფად უნდა დაიწყოს მუშაობა საარჩევნო საკანონმდებლო ცვლილებებზე და დღევანდელი შეხვედრაც ოპზიციის საერთო პოზიციის შეჯერებას უკავშირდება.
მისივე თქმით, ოპოზიციის შიდა კონსულტაციების შემდეგ მოლაპარაკებები ხელისუფლებასა და საერთაშორისო ორგანიზაციების თანამონაწილეობით გაგრძელდება.
„ჩვენ უნდა დავიწყოთ სწრაფად მუშაობა საარჩევნო საკანონმდებლო ცვლილებებზე. ამიტომ დღეს ამაზე ოპოზიციაში შიდა კონსულტაციები გვექნება და შემდგომ უკვე კონსულტაციები როგორც ხელისუფლების, ასევე საერთაშორისო ორგანიზაციების თანამონაწილეობით გაგრძელდება. დღევანდელი შეხვედრა სწორედ, ოპოზიციის საერთო პოზიციის შეჯერებას უკავშირდება“, - განაცხადა სამადაშვილმა.