სალომე სამადაშვილი - პარლამენტში შემოსვლა, შეთანხმების ხელმოწერას გულისხმობს, შთაბეჭდილება მაქვს, რომ „ნაციონალურ მოძრაობაში“ ამასთან დაკავშირებით აზრთა სხვადასხვაობა არსებობს

შთაბეჭდილება მაქვს, რომ „ნაციონალურ მოძრაობაში“ პარლამენტში შემოსვლასთან დაკავშირებით აზრთა სხვადასხვაობა არსებობს - უნდა იმუშაონ და ერთიანი პოზიცია გამოხატონ, - ამის შესახებ პოლიტიკოსმა სალომე სამადაშვილმა განაცხადა.

მისი თქმით, პარლამენტში შესვლა შეთანხმების ხელმოწერას გულისხმობს.

„ნაციონალურმა მოძრაობამ“ ნიკა მელიას გამოსვლის შემდეგ უნდა იმსჯელოს. პარლამენტში შემოსვლა, ცხადია, შეთანხმების ხელმოწერას გულისხმობს. მე ასეთი შთაბეჭდილება მაქვს, რომ „ნაციონალურ მოძრაობაში“ ამასთან დაკავშირებით აზრთა სხვადასხვაობა არსებობს. ალბათ, უნდა იმუშაონ და ერთიანი პოზიცია გამოხატონ“, - განაცხადა სამადაშვილმა.

სამადაშვილმა ასევე საგამოძიებო კომისიის შესაძლო შექმნაზეც ისაუბრა და აღნიშნა, რომ თუ „ნაციონალური მოძრაობა“ პარლამენტში წარმოდგენილი იქნება, ოპოზიციას კომისიის შექმნისთვის საკმარისი ხმები ექნება.

„საგამოძიებო კომისიას ამ ეტაპზე ვერ დავპირდებით ვერავის, რადგან დღევანდელი მოცემულობით ოპოზიციას ამისთვის საკმარისი ხმები არ აქვს. არ ვიცით, „ნაციონალური მოძრაობა“ როგორ ჩამოყალიბდება. იქნება, თუ არ იქნება ეს პარტია წარმოდგენილი პარლამენტში. თუ იქნება, ოპოზიციას უკვე ექნება საკმარისი ხმები იმისთვის, რომ იმუშაოს საგამოძიებო კომისიის შექმნაზეც“, - განაცხადა სამადაშვილმა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს