ვახტანგ მეგრელიშვილი - თამარ ჟვანიას პოსტზე დარჩენა არაადეკვატური იქნება, მაგრამ გადადგომა არ ყოფილა შეთანხმების ნაწილი - ვერ მოსთხოვს ოპოზიცია „ქართულ ოცნებას" ამის აუცილებლად გაკეთებას

თამარ ჟვანიას პოსტზე დარჩენა არაადეკვატური იქნება, მაგრამ გადადგომა არ ყოფილა შეთანხმების ნაწილი - ვერ მოსთხოვს ოპოზიცია „ქართულ ოცნებას" ამის აუცილებლად გაკეთებას,- ამის შესახებ „გირჩის" ერთ- ერთმა ლიდერმა ვახტანგ მეგრელიშვილმა ჟურნალისტებთან საარჩევნო რეფორმის კომენტირებისას განაცხადა.

მისი თქმით, თუ რეფორმის მთავარ პრინციპებზე ხელისუფლება და ოპოზიცია შეთანხმდება, შესაძლოა, ისიც გასაგები გახდეს, რომ „ახალი წესების ადმინისტრირება უფრო მეტი სანდოობის მქონე ადამიანს უნდა ჩაბარდეს".

„სუფთა ადამიანურად არჩევნების მიმართ ნდობას განაპირობებს არა მხოლოდ წესები, არამედ ადამიანები. იმ პერიპეტიების შემდეგ, რომელიც წინა წელს გადახდა ცესკო- ს დღევანდელ თავმჯდომარეს, მე ვფიქრობ, მისი პოსტზე დარჩენა იქნება არაადეკვატური, მითუმეტეს ამ ცვლილებების განხორციელების ფონზე, მაგრამ ამის მიუხედავად, ეს არ ყოფილა შეთანხმების ნაწილი, ვერ მოსთხოვს ოპოზიცია „ქართულ ოცნებას" ამის აუცილებლად გაკეთებას. ვფიქრობ, თვითონ პროცესი გვაჩვენებს, თუ წესრიგზე შეთანხმებული ვართ და იმ ცვლილებების მთავარ პრინციპებზე, რაც უნდა განხორციელდეს, შეთანხმებული ვართ და გაწერაზე მიდის მსჯელობა, მე ვფიქრობ, თუ ეს პროცესი კონსტრუქციულ რეჟიმში წარიმართა, დადგება მომენტი, როცა გახდება გასაგები, რომ ამ ახალი წესების ადმინისტრირება უფრო მეტი სანდოობის მქონე ადამიანს უნდა ჩაბარდეს,"- განაცხადა მეგრელიშვილმა.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა