მეუფე სტეფანე - მე მღვდელმთავარი ვარ, მომხრეები არ მყავს, მე მრევლი მყავს

მე აქაური ეპისკოპოსი, მღვდელმთავარი ვარ, მომხრეები არ მყავს, მე მრევლი მყავს, - ამის შესახებ ჭყონდიდის მიტროპოლიტმა, მეუფე სტეფანემ მარტვილში, ღვთისმშობლის შობის ტაძრის ეზოში, ბზობის დღესასწაულზე განვითარებულ მოვლენებზე საუბრისას განაცხადა.

როგორც მეუფე სტეფანე განმარტავს, ბზობის დღესასწაულზე გარკვეულმა პირებმა ის ტაძარში არ შეუშვეს, რადგან ეპისკოპოსად არ ცნობდნენ. მისივე თქმით, ბზობის დღესასწაული მედიის მიერ არასწორად გაშუქდა.

„იმდენად არასწორად გაშუქდა ყველაფერი, იძულებული ვარ ამაზე ვილაპარაკო. მანამდე ტაძარში არ შემიშვეს, რა მოტივით? ე.ი. არ მცნობენ, როგორც ეპისკოპოსს.

აბსოლუტურად არაკანონიკური მიდგომაა. წმინდა სინოდია ერთადერთი ორგანო, რომელიც წყვეტს საკითხს, ვინაა ეპისკოპოსი რომელიმე ეპარქიაში. წმინდა სინოდმა გადაწყვიტა მეუფე პეტრეს გადაყენება და ჩემი დადგინება.

მედია არ არის ის ორგანო, რომელიც აცხადებს, ვინ არის კანონიერი და ვინ უკანონო. ის უბრალოდ სიტუაციას აფიქსირებს. ამ შემთხვევაში გამოვიდა, რომ ისინი მართლები არიან, მე უკანონო ვარ. მედია მამკობს სიტყვებით, რაც მედიისთვის შეუფერებელია.

მე ასეთი მოვალეობა მაქვს, როდესაც ეკლესიას არ ცნობენ, სინოდის გადაწყვეტილებას არ ცნობენ, როდესაც პატრიარქის მიმართ არის საშინელი ბრალდებები, მე იძულებული ვარ, საკმაოდ თავშეკავებულად, გარკვეული დიდი შუალედებით რაღაც ვთქვა, რომ ასე არ შეიძლება, შემდეგ რაღაც კანონიკური გადაწყვეტილება მივიღო. ამაზე მედია ერთ ამბავს ტეხს, რომ თითქოს, მე ვიღაცები უკანონოდ დავსაჯე. მედიამ რა იცის, უკანონოდ დავსაჯე თუ არა?“, - აცხადებს მეუფე სტეფანე.

მან ბიზნესმენ კლიმენტი კეკუტიაზეც ისაუბრა და განმარტა, რომ ის ბიზნესმენს რამდენჯერმე შეხვდა, თუმცა, მეუფესთვის უცნობია, კონკრეტულად რას საქმიანობს ის.

„ბზობის დღესასწაულზე უამრავი ხალხი იყო, სულ სხვა ვითარება იყო, ვიდრე ეს მედიამ ასახა. კეკუტია რამდენჯერმე თავისი ინიციატივით შემხვდა, რაღაცებზე მესაუბრა. არც მისი საქმიანობა ვიცი. ვიცი, რომ მეუფე პეტრეს ეხმარებოდა, ეს რეზიდენცია, რაც კი რამეა, კეკუტიას სახსრებითაა გაკეთებული“, - აცხადებს მეუფე სტეფანე.

ცნობისთვის, მარტვილში, ღვთისმშობლის შობის ტაძრის ეზოში, ბზობის დღესასწაულთან დაკავშირებით, საზეიმო წირვის დაწყებამდე სიტყვიერი და ფიზიკური დაპირისპირება იყო. სასულიერო პირების ნაწილმა, რომელიც ჭყონდიდელ მიტროპოლიტ, მეუფე სტეფანეს არ ემორჩილება, ტაძარში ადგილობრივი ბიზნესმენის კლიმენტი კეკუტიას გამოჩენა გააპროტესტეს, შემდეგ კი მეუფე სტეფანეს ტაძრის შესასვლელთან დახვდნენ. მეუფე სტეფანე ტაძარში პოლიციის დახმარებით შევიდა. მომხდარზე შსს-მ გამოძიება 126-ე მუხლით დაიწყო, რაც ცემას გულისხმობს.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება