საბერძნეთის პარლამენტის თავმჯდომარე, კონსტანტინე ტასოულასი კახა კუჭავას საქართველოს პარლამენტის თავმჯდომარედ არჩევას ულოცავს.

ინფორმაციას ამის შესახებ საქართველოს პარლამენტი ავრცელებს.

„მსურს, გადმოგცეთ როგორც პერსონალურად ჩემი, ასევე, საბერძნეთის პარლამენტის წევრთა გულითადი მოლოცვა და გისურვოთ წარმატებები საქმიანობისას.

დარწმუნებული ვარ, რომ თქვენ მნიშვნელოვან წვლილს შეიტანთ საერთაშორისო საპარლამენტთაშორისო თანამშრომლობის ხელშეწყობასა და ჩვენს ქვეყნებს შორის როგორც ორმხრივი, ასევე, საპარლამენტო ურთიერთობების გაღრმავებაში", - წერია საბერძნეთის პარლამენტის თავმჯდომარის მისალოც წერილში.