დავით უსუფაშვილი - საქართველო გახდა ევროკავშირის „ქეჩოში“ ხელჩასავლები, ევროპა უფსკრულიდან ამოთრევაში გვეხმარება, ჩვენ კი ხელი უნდა ჩავავლოთ, რაც შეიძლება მყარად - ეს ყველაზეა დამოკიდებული

„ლელო საქართველოსთვის“ ერთ-ერთი ლიდერის დავით უსუფაშვილის განცხადებით, ნიკა მელიას „ლელო საქართველოს“ და სხვა ოპოზიციური პარტიის წევრებთან შეხვედრა სურს.

როგორც უსუფაშვილმა „პალიტრანიუსის“ ეთერში, გადაცემაში „360 გრადუსი“ განმარტა, პოლიტიკურად დევნილი ადამიანების მიმართ, ყოველთვის ყველა ხელისუფლება დამარცხებულა.

მისივე თქმით, საქართველო ევროკავშირის „ქეჩოში“ ხელჩასავლები გახდა.

„ყველა ერთად შევთანხმდეთ, რომ მელიას არასწორი დაკავებით, მანამდე ძალიან ბევრი სხვა ადამიანის არასწორი დაკავებით, ამ ხელისუფლებამ ჩაიდინა იმ ტიპის ქმედება, რომელიც ევროკავშირმა, მისი უმაღლესი წარმომადგენლის სახით, პრაქტიკულად დააკვალიფიცირა, როგორც დანაშაულის ჩამდენი სახელმწიფო. დღეს ვინც კმაყოფილია იმით, რომ პოლიტიკური ნიშნით დევნილი მელია თავისუფალია, უნდა გაიხსენოს ისიც, რომ ასევე პოლიტიკური ნიშნით დევნილი ირაკლი ბათიაშვილი გვყავდა გამოსახსნელი ძველ დროში. მაშინ ევროკავშირი არ ჩარეულა სხვანაირად მოგვარდა. ამ ყველაფრიდან ის დასკვნა უნდა გავაკეთოთ, რომ საბოლოო ჯამში არცერთ ხელისუფლებას არაფერი არ შერჩენია. პოლიტიკურად დევნილი ადამიანების მიმართ ყოველთვის ყველა ხელისუფლება დამარცხებულა. ნუ გვექნება ილუზია, რომ მიშელის შეთანხმების გამო, "ოცნება" და ოპოზიცია ერთი ტერმინებით აღწერს მოვლენებს. ფაქტია, საქართველო გახდა ევროკავშირის „ქეჩოში“ ხელჩასავლები. ზოგადად, არა მხოლოდ მელიას თემით, არამედ შეთანხმებაში შეტანილი ყველა პუნქტის ჩამომწერი. ეს არის შანსი, ევროპამ თუ „ქეჩოში“ ჩაგვავლო ხელი უფსკრულიდან ამოთრევაში გვეხმარება, ჩვენ კიდევ ხელი ჩავავლოთ, რაც შეიძლება მყარად. ეს ყველაზეა დამოკიდებული, ვისაც პოლიტიკურ პროცესებში რაიმე პასუხისმგებლობა ეკისრება. მელიამ ყველა ნაბიჯი დღემდე, ცხადია გადადგა საჯარო ინტერესების გამო. მის მიერ, როგორც არის აღქმული სწორი ქვეყნისთვის. მას ამ პერიოდში ძალიან რთული პოლიტიკური გადაწყვეტილებების მიღება თუ ვერ მიღება, არ მიღება მოუწია. კონკრეტულად მელიას, უნდა მივცეთ საშუალება და დრო უკეთ გაერკვეს ვითარებაში, საკუთარ პარტიაში, საკუთარ კოლეგებთან. ვიცი, რომ სურვილი აქვს ოპოზიციურ პარტიებთან შეხვედრის, მათ შორის „ლელოსთან“,- განაცხადა დავით უსუფაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა