ივანე ჩხაიძის განცხადებით, კორონავირუსით დაინფიცირების ახალი შემთხვევები დამშვიდების საშუალებას არ იძლევა

იმუნიზაციის მრჩეველთა ეროვნული ტექნიკური ჯგუფის ხელმძღვანელის ივანე ჩხაიძის განცხადებით, კორონავირუსით დაინფიცირების ახალი შემთხვევები დამშვიდების საშუალებას არ იძლევა. როგორც მან ვაქცინაციის საბჭოს სხდომის შემდეგ, ბრიფინგზე განმარტა, კორონავირუსის წინააღმდეგ ბრძოლის ერთადერთი უალტერნატივო გზა მოსახლეობის ვაქცინაციაა.

„ჩვენ ჯერ შორს ვართ იმ ციფრებისგან, რაც დამშვიდების საშუალებას მოგვცემს, პირიქით, ბოლო კვირების განმავლობაში თუ 3 კვირის წინანდელ მდგომარეობას შევადარებთ, ინფიცირებულთა რაოდენობა გაორმაგებულია. შესაბამისად, ერთადერთი უალტერნატივო გზა არის ვაქცინაცია და ამისთვის ყველა ადამიანი მზად უნდა იყოს. რაც ყველაზე მთავარია, ჩვენ ვერ ვთავაზობთ მოსახლეობას, არა მხოლოდ საქართველო, არამედ მსოფლიოს ვერც ერთი ქვეყანა ეფექტურ ანტივირუსულ საშუალებას. კოვიდ 19-ის წინააღმდეგ ბრძოლის გზა არ არის მკურნალობა, არ არის ანტივირუსული თერაპია, ერთადერთი გზა არის ვაქცინაცია“,-განაცხადა ჩხაიძემ.

რაც შეეხება „სინოვაკის“ გამოყენებას, როგორც ივანე ჩხაიძემ განმარტა, ჯანმრთელობის მსოფლიო ორგანიზაციის სტრატეგიულ მრჩეველთა ჯგუფის საბოლოო დასკვნის მიხედვით, აღნიშნული ვაქცინა საკმაოდ ეფექტურია.

„ჩვენ გვაქვს დეტალური ანალიზი, როგორც „სინოფარმის“, ასევე „სინოვაკის“. ის შეფასება, რაც მიიღო „სინოვაკის“ ვაქცინამ რამდენიმე კომპონენტში, აღემატება იმ შეფასებას, რაც „სინოფარმის“ ვაქცინამ მიიღო. შესაბამისად, ეს ჩვენთვის დამაკმაყოფილებელი საფუძველია იმისთვის, რომ „სინოვაკი“ განვიხილოთ, როგორც საიმედი, ეფექტური და მინიმალურად გამოხატული გვერდითი მოვლენების მატარებელი ვაქცინა და მისვცეთ რეკომენდაცია მას საქართველოში გამოყენებისთვის. „სინოვაკს“ დღეისთვის 32 ქვეყანა იყენებს, 200 მილიონ დოზაზე მეტია ადმინისტრირებული. დამზადების ტექნოლოგია იდენტურია. ჩვენი გადაწყვეტილება განსაკუთრებით გაამყარა ჯანმრთელობის მსოფლიო ორგანიზაციის სტრატეგიულ მრჩეველთა ჯგუფის საბოლოო დასკვნამ, რომელიც მკაფიოდ მიუთითებს ამ ვაქცინის მაღალ ეფექტურობასა და უსაფრთხოებაზე. იმედი გვაქვს, უახლოეს დღეებში ეს ვაქცინა ჯანმრთელობის მსოფლიო ორგანიზაციის ავტორიზაციას მიიღებს“,- განაცხადა ჩხაიძემ.

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის