ქალაქ ლოდში განხორციელებული სარაკეტო თავდასხმის შედეგად ორი ადამიანი გარდაიცვალა, ორი კი - მძიმედ დაშავდა, - ამის შესახებ ინფორმაციას Times of Israel-ი ავრცელებს.

გამოცემის ცნობით, რაკეტა დაღუპულების მანქანას და დაშავებულების საცხოვრებელ სახლს მოხვდა.

მანამდე ცნობილი გახდა, რომ ისრაელის პრემიერ-მინისტრმა ბენიამინ ნეთანიაჰუმ ლოდში საგანგებო მდგომარეობა გამოაცხადა, ვინაიდან, ადგილობრივი მედიის ინფორმაციით, არაბთა ჯგუფებმა ქალაქში სინაგოგებსა და მაღაზიებს ცეცხლი წაუკიდეს და ასევე ათობით ავტომობილი დაწვეს.

Times of Israel-ი წერს, 1966 წლის შემდეგ ეს პირველი შემთხვევაა, როცა ებრაულ-არაბულ ქალაქში საგანგებო მდგომარეობა გამოცხადდა.