შალვა პაპუაშვილი - ნიკა მელიამ დაწერა, რომ სტრასბურგის სასამართლოში საქმე არის „ნიკა მელია „ქართული ოცნების“ წინააღმდეგ“, როგორც ჩანს, ამის თქმა ეთაკილება, რომ საქართველოს წინააღმდეგ შეაქვს სარჩელი

ახლა ეს არის მცდელობა, რომ საერთაშორისო ინსტიტუტების გამოყენებით პიარულად თემა აწიონ, - ასე შეაფასა საპარლამენტო უმრავლესობის წევრმა შალვა პაპუაშვილმა „ერთიანი ნაციონალური მოძრაობის" თავმჯდომარის ნიკა მელიას სარჩელი, რომელიც სტრასბურგის სასამართლომ განსახილველად მიიღო და შესაბამისი კითხვები მოპასუხე მხარეს გაუგზავნა.

პაპუაშვილის განმარტებით, საზოგადოებამ საკუთარი თვალით დაინახა, როგორ დაარღვია კანონი ნიკა მელიამ, როდესაც მან ელექტრონული სამაჯური მოიხსნა.

„ეს ყველაფერი ჩვენს თვალწინ მოხდა, ჩვენს თვალწინ მოიხსნა მან სამაჯური, ჩვენს თვალწინ თქვა, რომ არ ემორჩილება კანონს და მართლმსაჯულებას, ის არ გადაიხდიდა გირაოს და ვერ დაიჭერდნენ, ამ ყველაფერს კანონის შესაბამისი პასუხი მოჰყვა. შემდეგ გვესმოდა მისგან საუბარი, რომ გირაოს არ მიიღებდა და ყველა, ვინც გირაოს გადაიხდიდა, მისი მტერი იქნებოდა. საბოლოოდ, ვნახეთ როგორ დასრულდა ეს ყველაფერი. ის მართლმსაჯულებამ დააკავა, გირაოც გადაიხადეს, ამნისტიაც იქნება გამოცემული, ეს არის ახლა უბრალოდ მცდელობა, რომ საერთაშორისო ინსტიტუტების გამოყენებით პიარულად თემა აწიონ. გარწმუნებთ, რომ შინაარსობრივად რაიმე პრობლემა არ არის. ჩვენ ვნახეთ, როგორ არღვევდა კანონს ნიკა მელია“,- განაცხადა პაპუაშვილმა.

მისი შეფასებით, პოლიტიკური ოპონენტები საკუთარ თავს „არასერიოზულ მდგომარეობაში იყენებენ“.

„საერთო ჯამში, ესეც აჩვენებს, რამდენად არასერიოზულ მდგომარეობაში იყენებენ საკუთარ თავს ჩვენი ოპონენტები. ნიკა მელიამ რომ დაწერა, ეს საქმე არის „ნიკა მელია „ქართული ოცნების“ წინააღმდეგ“, სინამდვილეში საქმის განხილვა თუ იქნება, იქნება „ნიკა მელია საქართველოს წინააღმდეგ“. როგორც ჩანს, მას ამის თქმა ეთაკილება, რომ სწორედ საქართველოს წინააღმდეგ შეაქვს სარჩელი“, - განაცხადა პაპუაშვილმა.

ცნობისთვის, ადამიანის უფლებათა ევროპულმა სასამართლომ „ერთიანი ნაციონალური მოძრაობის" თავმჯდომარის ნიკა მელიას დაპატიმრების საქმეზე სარჩელი განსახილველად მიიღო და შესაბამისი კითხვები მოპასუხე მხარეს გაუგზავნა. ამის შესახებ ნიკა მელიას ადვოკატმა დიმიტრი საძაგლიშვილმა „ინტერპრესნიუსს“ განუცხადა. მისი თქმით, სარჩელი უშუალოდ ნიკა მელიას დაპატიმრებას ეხება და ამ კონტექსტში სტრასბურგის სასამართლო საქართველოს ხელისუფლების მისამართით კითხვას სვამს შესაძლო პოლიტიკური პატიმრობისა და პოლიტიკური დევნის საკითხზე.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია