ზურაბ ბატიაშვილი ისრაელის მოვლენებზე - როცა ორივე მხარე კუნთებზე იყურება, ძნელია საუბარი სამშვიდობო პროცესზე - ვფიქრობ, ეს ამბავი ადვილად ვერ დასრულდება

როდესაც ორივე მხარე კუნთებზე იყურება, ძალიან ძნელია საუბარი სამშვიდობო პროცესზე. ვფიქრობ, რომ ეს ამბავი ადვილად ვერ დასრულდება, - ასე აფასებს ექსპერტი საერთაშორისო საკითხებში ზურაბ ბატიაშვილი ისრაელში განვითარებულ მოვლენებს.

როგორც მან „პალიტრანიუსის“ გადაცემა „ნიუსრუმში“ განაცხადა, ორივე მხარე საბრძოლველად არის განწყობილი და ისრაელი არის ის ქვეყანა, რომელიც ასეთ ქმედებებს უპასუხოდ არ ტოვებს.

„ეს შეტაკებები დაიწყო წმინდა ადგილის გარშემო, როდესაც ისრაელის პოლიციამ დააკავა არაბი ახალგაზრდები. ამას მოჰყვა შეტაკებები, დაშავდა ათეულობით პოლიციელი ისრაელის მხარეს და ასეულობით ახალგაზრდა პალესტინის მხარეს. ამ დაკავებებს და შეხლა-შემოხლას ალაქსარის მეჩეთთან მოჰყვა რაკეტების გამოშვება ღაზას სექტორიდან, რომელსაც ისრაელმა უპასუხა. 1050 რაკეტა იყო გაშვებული ბოლო 38 საათის განმავლობაში. ამდენი რაკეტა არასოდეს ყოფილა ისრაელის მიმართულებით გამოყენებული.

რაც შეეხება შუამავლობის საკითხს, ეგვიპტემ ტრადიციულად სცადა ამ როლის შესრულება, თუმცა არ გამოვიდა იქედან გამომდინარე, რომ ორივე მხარე საბრძლოდაა განწყობილი. ისრაელის ისტორიას თუ შევხედავთ, ის არის ქვეყანა, რომელიც ასეთ ქმედებებს უპასუხოდ არ ტოვებს და ახლაც, გუშინ ღამე დაიწყო საკმაოდ ინტენსიური დაბომბვები ღაზას სექტორის, მათ შორის იბომბება ყველა ის პუნქტი, სადაც არის ეჭვი, რომ განთავსებული არიან მებრძოლები, ისევე როგორც საცხოვრებელი სახლები „ჰამასის“ წარმომადგენლების. „ჰამასს“ მოგეხსენებათ, ისრაელი, შეერთებული შტატები და კიდევ არაერთი ქვეყანა ტერორისტულ ორგნიზაციად აღიარებს და ექცევიან იმგვარად, როგორც საერთაშორისო დონეზე ტერორისტულ ორგანიზაციებს ექცევიან ხოლმე. აქ ისიც გასათვალისწინებელი ფაქტორია, რომ „ჰამასი“ არის ორგანიზაცია, რომელმაც თავის დროზე აღიარა ჩვენი ოკუპირებული ტერიტორიების ე.წ. დამოუკიდებლობა. ასე რომ, ბევრი განზომილება აქვს ამ მიმდინარე კონფლიქტს“, - განაცხადა ბატიაშვილმა.

მისი შეფასებით, არც ერთი მხარე არ არის იმისთვის მზად, რომ სამშვიდობო შეთანხმებაზე წავიდნენ.

„ახლა რა შთაბეჭდილებაც მექმნება, ჯერჯერობით არც ისრაელი არის მზად იმისთვის, რომ სამშვიდობო შეთანხმებაზე წავიდეს, იმიტომ, რომ დაიბობმა ისარაელის ქალაქები, დაიხოცა ისრაელის მოქალაქეები და გარკვეულწილად მას აქვს ვალდებულება, პასუხი გასცეს ამ ქმედებებს. იგივე ხდება პალესტინა - „ჰამასის“ მხრიდანაც, რომელიც ფიქრობს, რომ სათანადო პასუხი ჯერ არ გაუცია ისრაელისთვის. ამიტომ როდესაც ორივე მხარე კუნთებზე იყურება, ძალიან ძნელია საუბარი სამშვიდობო პროცესზე. ვფიქრობ, რომ ეს ამბავი ადვილად ვერ დასრულდება“, - განაცხადა ბატიაშვილმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია