აღმოსავლეთმცოდნეობის ინსტიტუტის დირექტორი - პალესტინა-ისრაელის კონფლიქტთან დაკავშირებით, ახლა მნიშვნელობა აქვს როგორი იქნება აშშ-ის პოლიტიკა, რადგან სინათლე გვირაბის ბოლოს ჯერჯერობით, არ ჩანს

პალესტინა - ისრაელის კონფლიქტთან დაკავშირებით, ახლა მნიშვნელობა აქვს როგორი იქნება აშშ-ის პოლიტიკა, რადგან სინათლე გვირაბის ბოლოს ჯერჯერობით, არ ჩანს, - ამის შესახებ „ინტერპრესნიუსს“ აღმოსავლეთმცოდნეობის ინსტიტუტის დირექტორმა გიორგი სანიკიძემ განუცხადა.

მისივე თქმით, იკვეთება კონტურები, რომ ჯო ბაიდენს კონფლიქტში უფრო რბილი პოლიტიკა ექნება ორივე მხარის ინტერესების გათვალისწინებით, ტრამპისგან განსხვავებით, რომელიც ისრაელს უჭერდა მხარს.

„ეს კონფლიქტი დიდი ხანია მიმდინარეობს. ეს განსაკუთრებული სიახლე არ არის. ხშირად ხდება ამგვარი დაპირისპირებები. პრობლემა გადაუწყვეტელია. პრობლემების გადაწყვეტის კონტურები ჯერ არ არის გამოკვეთილი, რადგან ორივე მხარისთვის არსებობს წითელი ხაზები. პირველ რიგში, ეს არის იერუსალიმის საკითხი, პალესტინელებს სურთ, რომ იერუსალიმი გამოცხადდეს პალესტინის დედაქალაქად, რასაც ისრაელი კატეგორიულად არ ეთანხმება. რაც შეეხება რა გავლენას მოახდენს ზოგადად მსოფლიო პოლიტიკასა და საქართველოზე, საქართველო ამ შემთხვევაში, ფართო რეგიონის ნაწილია, მაგრამ ეს არ არის ახალი კონფლიქტი, ეს არ არის სიახლე. ეს კონფლიქტი ტალღისებურად მიმდინარეობს და არ არის გამოკვეთილი გადაწყვეტის გზები. რაც შემუშავებული იყო საგზაო რუკა და მისი მოდიფიცირება, ჯერჯერობით, განუხორციელებლად რჩება და წინააღმდეგობა პალესტინელ არაბებსა და ებრაელებს შორის კვლავაც მძაფრია. პერიოდულად ხდება ხოლმე ასეთი ესკალაციები, მაგრამ ეს არის ერთ-ერთი მძაფრი ბოლო პერიოდში.

ჯერჯერობით, გარკვეული ნიშნები, რომ შესაძლებელია კონფლიქტის მოგვარება, არ არის. ერთადერთი, რაც შეიძლება არის ის, რომ მოხდეს ის, რაც ადრეც ხდებოდა - გარკვეული დროებითი ზავი შეიძლება დამყარდეს ორ მხარეს შორის.

აქ ასევე მნიშვნელოვანია საკითხი, თუ როგორი იქნება ამერიკის პოლიტიკა. ტრამპის პოლიტიკა მაინც იყო ებრაელების მხრდამჭერი. ბაიდენის პოლიტიკა როგორი იქნება, საინტერესოა, მაგრამ ჩანს, რომ ეს იქნება შედარებით რბილი პოლიტიკა ორივე მხარის ინტერესების გათვალისწინებით. თუმცა, ამ პრობლემების გადაწყეტის გზა, სინათლე გვირაბის ბოლოს ჯერჯერობით არ არსებობს“, - განაცხადა გიორგი სანიკიძემ.

ცნობისთვის, 10 მაისს, ღაზას სექტორიდან იერუსალიმის მიმართულებით სარაკეტო თავდასხმა განახორციელეს, საპასუხოდ კი ისრაელმა ღაზას სექტორში „ჰამასის“ ობიექტებზე იერიშები დაიწყო.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება