დროებითმა საგამოძიებო კომისიამ აქტუალობა აბსოლუტურად დაკარგა, - ამის შესახებ ჟურნალისტებთან „მოქალაქეების" ლიდერმა ალეკო ელისაშვილმა განაცხადა.
მისი თქმით, ახლა კომისიის მუშაობა მხოლოდ ფორმალური ხასიათის იქნება.
„ჩვენ პოზიცია არ შეგვიცვლია, ვამბობდით, რომ არჩევნების გაყალბებასთან დაკავშირებულ კომისიაში უნდა შევიდეს ის სამი პარტია, რომელსაც დამკვირვებლები ჰყავდა, რათა გაყალბების მასშტაბი აჩვენონ. ჩვენი პოზიცია უცვლელია, თუ ეს პარტიები არ შევლენ, ფორმალობა იქნება. ეს არის “ნაციონალური მოძრაობა", ირმა ინაშვილის არარსებული პარტია, ასევე ბოკერიას არარსებული პარტია", - განაცხადა ელისაშვილმა.
ცნობისათვის, საგამოძიებო კომისიის პირველი საორგანიზაციო სხდომა დღეს გაიმართება.