ბადრი ჯაფარიძე - არ მივცემთ მოსვენებას მთავრობის არც ერთ წევრს, ვიდრე არ დავინახავთ მათგან ადეკვატურ ნაბიჯებს

ფრაქციას „ლელო - პარტნიორობა საქართველოსთვის" დღეისათვის 7 წევრი ჰყავს, თუმცა ველოდები, რომ ეს რაოდენობა გაიზრდება. ვფიქრობ, რომ ეს ფრაქცია აუცილებლად იტყვის მნიშვნელოვან სიტყვას ამ პარლამენტის მუშაობის პერიოდში, - ამის შესახებ „ლელოს“ ერთ-ერთმა ლიდერმა ბადრი ჯაფარიძემ განაცხადა.

მისივე თქმით, ისინი ჩაერთვებიან საპარლამენტო მუშაობაში და დაიწყებენ იმ პრობლემების მოგვარებას, რომელიც ქვეყანაში არსებობს.

„ჩემთვის დიდი პატივია, რომ ჩემმა კოლეგებმა და მეგობრებმა მანდეს ფრაქციის თავმჯდომარეობის ძალიან საპასუხისმგებლო პოსტი. ჩემთვის განსაკუთრებით საამაყოა, როდესაც ასეთი პროფესიონალებით არის ეს ფრაქცია დაკომპლექტებული. ამ ფრაქციას დღეისათვის 7 წევრი ჰყავს, თუმცა ველოდები, რომ ეს რაოდენობა გაიზრდება. ვფიქრობ, რომ ეს ფრაქცია აუცილებლად იტყვის მნიშვნელოვან სიტყვას ამ პარლამენტის მუშაობის პეროდში და რაც მთავარია ჩვენ, როგორც ყოველთვის ვართ თანმიდევრულები. შარლ მიშელის შეთანხმების დოკუმენტში პირველი პუნქტი შესრულდა სრულად, ორი ადამიანი გათავისუფლდა საპატიმროდან და ახლა ჩვენ შეგვიძლია სრულფასოვნად ჩავერთოთ პარლამენტის მუშაობაში და მივიღოთ მონაწილეობა მაქსიმალურად იმისათვის, რომ ჩვენი თანამოქალაქეების ხმა მივაწვდინოთ ამ მთავრობას, რომელსაც ეკისრება პასუხიმგებლობა ამ უმძიმეს მდგომარეობაზე, რომელშიც იმყოფება ჩვენი ქვეყანა.

რაც მთავარია, ჩვენ უნდა დავიწყოთ ზრუნვა იმაზე, რომ ქვეყანამ შეძლოს და გაუმკლავდეს ეკონომიკურ გამოწვევებს, რეგიონალურ გამოწვევებს უსაფრთხოების კუთხით, ასევე სოციალურ უმწვავეს პრობლემებს და ჯანდაცვის მიმართულებით უმწვავეს პრობლემებს.

ყოველდღიურად თითოეული ჩვენთაგანის საზრუნავი სწორედ ის იქნება, რომ ეს პრობლემები, რომელიც დაგროვდა, დავიწყოთ მათი გადაჭრისთვის ზრუნვა. არ მივცემთ მოსვენებას მთავრობის არც ერთ წევრს, ვიდრე არ დავინახავთ მათგან ადეკვატურ ნაბიჯებს იმისათვის, რომ ჩვენმა თანამოქალაქეებმა იგრძნონ შვება. რა თქმა უნდა, სანამ ეს ხელისუფლება არ შეიცვლება ქვეყანაში რადიკალური რეფორმები იმ მაშტაბით და დოზით ჩვენ როგორც გვსურს, ვერ განხორციელდება, მაგრამ მიშელის დოკუმენტი გვაძლევს საშუალებას, რომ დღეს ჩვენ შევავიწროვოთ ყველგან ის გაბატონებული კლანი, მათ შორის სასამართლოში, რათა ჩვენ მოვამზადოთ ფუნდამეტი ძირეული რეფორმებისათვის, რომელიც დაიწყება რიგგარეშე საპარლამენტო არჩევნების და ამ ხელისუფლების შეცვლის შემდეგ“ , - განაცხადა ჯაფარიძემ.

ჯამში ფრაქცია „ლელო - პარტნიორობა საქართველოსთვის" შემდეგი წევრებით იქნება წარმოდგენილი: "ლელოს" წევრები ბადრი ჯაფარიძე, მამუკა ხაზარაძე, დავით უსუფაშვილი, ანა ნაცვლიშვილი და დეპუტატები სალომე სამადაშვილი, არმაზ ახვლედიანი და შალვა შავგულიძე. ფრაქციის თავმჯდომარე ბადრი ჯაფარიძე იქნება, ხოლო თავმჯდომარის მოადგილე - სალომე სამადაშვილი.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია