მოსამართლემ ნიკა მელიას ადვოკატების შუამდგომლობა, მელიას უდანაშაულობის პრეზუმფციის დარღვევაზე რეაგირების შესახებ, არ დააკმაყოფილა

„ერთიანი ნაციონალური მოძრაობის" თავმჯდომარის, ნიკა მელიას ადვოკატებმა სასამართლოს მელიას უდანაშაულობის პრეზუმფცის დარღვევასთან დაკავშირებით რეაგირების მოთხოვნის შუამდგომლობით მიმართეს.

როგორც ადვოკატმა დიმიტრი საძაგლიშვილმა საკუთარ შუამდგომლობაში განმარტა, ნიკა მელიას მიმართ ხელისუფლების მხრიდან სისტემატურად ხდება უდანაშაულობის პრეზუმფციის დარღვევა, რაც საფრთხეს უქმნის მელიას საქმის სამართლიან განხილვას.

ადვოკატის თქმითვე, ხელისუფლება მელიას დამნაშავედ გამოცხადებით მის პოლიტიკურ დისკრედიტაციას ისახავს მიზნად.

საძაგლიშვილმა „ქართული ოცნების" თავმჯდომარის, ირაკლი კობახიძის განცხადება მოიყვანა მაგალითად, რომლის მიხედვითაც, კობახიძე ამბობს, რომ „ამნისტიის კანონი ნიშნავს იმას, რომ „ქართული ოცნება" ნიკა მელიას უმძიმეს დანაშაულს პატიობს". ასევე ადვოკატმა კობახიძის სხვა განცხადებაც მოიყვანა მაგალითად, რომლის მიხედვითაც, „ქართულმა ოცნებამ" ნება გამოხატა ნიკა მელიას უმძიმესი დანაშაული აპატიოს, რომელიც მან 2019 ივნისში ჩაიდინა".

საძაგლიშვილმა სასამართლოში ასევე უმრავლესობის დეპუტატის რატი იონათამიშვილის საჯაროდ გაკეთებული განცხადებაც წაიკითხა, სადაც დეპუტატი ამბობს, რომ „ნიკა მელია არის დამნაშავე, რომელიც კანონმდებლობას პატივს არ სცემს".

ადვოკატის თქმით, არაერთხელ მოხდა ნიკა მელიას უდანაშაულობის პრეზუმფციის დარღვევა, რასთან დაკავშირებითაც სასამართლომ რეაგირება უნდა მოახდინოს, რომ მსგავსი ფაქტი, მომავალშიც არ განხორციელდეს.

ბრალდების მხარე აღნიშნული შუამდგომლობის დაკმაყოფილებას არ დაეთანხმა. მოსამართლე ნინო ჩახნაშვილმა დაცვის მხარის შუამდგომლობა არ დააკმაყოფილა და განმარტა, რომ შუამდგომლობა დასაბუთებული არ არის.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება