პაატა მანჯგალაძე - გააზრებული გვაქვს ჩვენი პასუხისმგებლობა საქართველოს თითოეული მოქალაქის წინაშე

მივმართავ იძულებით გადაადგილებულ ყველა მოქალაქეს და საოკუპაციო ხაზთან მცხოვრებს - „სტრატეგია აღმაშენებელი“ არის თქვენი წარმომადგენელი და ყველაფერს გავაკეთებთ, რომ ეს რეალობა შევცვალოთ,- ამის შესახებ პარლამენტის წევრმა პაატა მანჯგალაძემ პარლამენტის პლენარულ სხდომაზე სიტყვით გამოსვლისას განაცხადა.

მისივე თქმით, საქართველოში მცხოვრებ 800 000 პენსიონერს უწევს მსოფლიოში ყველაზე მაღალი 36%-იანი სესხის გადახდა და ყოველდღიური არჩევნის გაკეთება ლუკმა-პურსა და წამლებს შორის.

,,ჩვენ გააზრებული გვაქვს ჩვენი პასუხისმგებლობა საქართველოს თითოეული მოქალაქის წინაშე, მაგრამ განსაკუთრებული თანადგომა მინდა დავუფიქსირო იმ 150 000 ოჯახს, სადაც ყოველდღიურად ბავშვები შიმშილობენ. მე რეგიონიდან ვარ და ძალიან კარგად ვიცი, რომ ამ ახალგაზრდებს ყოველდღიურად უწევთ ფიზიკური შრომა სწავლასთან ერთად ლუკმა-პურის მოპოვებისთვის. მინდა დავუფიქსირო ჩვენი თანადგომა 1 მილიონზე მეტ ადამიანს, რომელიც ცხოვრობს სიღარიბის ზღვარს ქვემოთ, ჩვენ „სტრატეგია აღმაშენებელი“ ვართ თქვენი წარმომადგენლები და ყველაფერს გავაკეთებთ, რომ ეს უსამართლო რეალობა შევცვალოთ. ჩვენ თანადგომას დავპირდით 800 000 პენსიონერს, რომელსაც უწევს მსოფლიოში ყველაზე მაღალი 36%-იანი სესხი გადახადა და ყოველდღიური არჩევნის გაკეთება ლუკმა-პურსა და წამლებს შორის. მივმართავ იძულებით გადაადგილებულ ყველა მოქალაქეს და საოკუპაციო ხაზთან მცხოვრებს - „სტრატეგია აღმაშენებელი“ არის თქვენი წარმომადგენელი და ყველაფერს გავაკეთებთ, რომ ეს რეალობა შევცვალოთ. პარლამენტარის ჩემი დღევანდელი სტატუსი გვაძლევს იმის გარანტიას, ყველაფერი გავაკეთოთ იმისთვის, რომ დაპირისპირებაზე და კინკლაობაზე ორიენტირებული პოლიტიკური დღის წესრიგი მივმართოთ იმ პრობლემებზე, რომელიც ჩვენს საზოგადოებას აწუხებს და გადაწყვეტილების მიღების პროცესში დავაბრუნოთ ხალხი. ეს არის ჩემი მისია, ამაში ხედავს „სტრატეგია აღმაშენებელი“ გამოსავალს და მადლობა ყველას იმისთვის, რომ შანსს გვაძლევთ ამისთვის ვიბრძოლოთ“, - აღნიშნა პაატა მანჯგალაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია